އެއާ އެމްބިއުލާންސްގެ ގޮތުގައި މިއަދު ބޭނުން ކުރަން ފެށި، ޑޭޝް-8 މަތިންާ ބޯޓަކީ ސަލަމާތީ ގޮތުން ރައްކާތެރި ބޯޓެއް ކަމުގެ ޔަޤީންކަންދޭ ކަމުގައި އައިލެންޑް އޭވިއޭޝަނުން ބުނެފިއެވެ.

ޤައުމީ އެއާލައިން މޯލްޑިވިއަން ހިންގާކުންފުނި އައިލެންޑް އޭވިއޭޝަނުން މިއަދު ނެރުނު ބަޔާނުގައި ބުނީ، އެއާ އެމްބިއުލާންސްގެ ގޮތުގައި މިއަދު ބޭނުން ކުރަންފެށި ޑޭޝް-8 މަރުކާގެ މަތިންާ ބޯޓަކީ ސަލާމަތީ ގޮތުން ރައްކާތެރި ބޯޓެއް ކަމަށެވެ. އެކުންފުނިން މިބަޔާން ނެރުނީ، އެބޯޓުގެ ސަލާމަތާއި ރައްކާތެރިކަމާއި މެދު ސުވާލު އުފައްދައި، ސޯޝަލްމީޑިއާގައި ސަރުކާރާއި އިދިކޮޅު ފަރާތްތަކުން ވާހަކަތައް ފަތުރަމުން ގެންދާތީއެވެ.

އައިލެންޑް އޭވިއޭޝަންގެ ބަޔާނުގައި ބުނީ، އެއާ އެމްބިއުލާންސްގެ ގޮތުގައި މިއަދު ބޭނުން ކުރަންފެށި މަތިންދާ ބޯޓަކީ، ކުރިން މޯލްޑިވިއަންގެ ޝެޑިއުލް ދަތުރުތަކުގައިވެސް ބޭނުން ކުރަމުން އައި ބޯޓެއް ކަމަށެވެ. އަދި އެއާ އެމްބިއުލާންސްގެ ގޮތުގައި އެބޯޓު ބޭނުން ކުރަންފަށާފައި ވަނީ އެމާޖެންސީ ފަރުވާ އޭގައި ދެވޭ ގޮތަށް، މެޑިކަލް އިކުއިޕްމެންޓްވެސް ހަރުކޮށްގެން ކަމަށާއި، އެކުންފުނިން މަތިންދާ ބޯޓުތައް ދުއްވުމުގައި އަބަދުވެސް އެންމެ އިސްކަންދޭނީ، ކްރޫއިންނާއި ދަތުރުވެރިންގެ ސަލާމަތާއި ރައްކާތެރިކަމަށް ކަމުގެ ޔަޤީންކަން ދޭކަމުގައިވެސް އައިލެންޑް އޭވިއޭޝަނުން ވަނީ ބުނެފައެވެ.