މިއަހަރުގެ ފިޠުރު ޒަކާތުގެ ގޮތުގައި ލިބުނު، 9 މިލިޔަން ރުފިޔާ، ފަޤީރުންގެ ދަފްތަރުގައި ހިމެނޭ ފަރާތްތަކަށް ޖަމާކޮށްދީ ނިންމައިފި ކަމުގައި މިނިސްޓްރީ އޮފް އިސްލާމިކް އެފެއާޒުން ވިދާޅުވެއްޖެއެވެ.

އެމިނިސްޓްރީން ވިދާޅުވީ، ހުސްވި ރަމަޟާން މަހު، ފިޠުރު ޒަކާތުގެ ގޮތުގައި ލިބިފައި ވަނީ ޖުމުލަ، ޖުމްލަ 9,003,324.05 (ނުވަ މިލިޔަން ތިންހާސް ތިންސަތޭކަ ސައުވީސް ރުފިޔާ ފަސްލާރި) ކަމަށެވެ.

އަދި ޒަކާތް ދައްކާފައި ވަނީ، 175485 (އެއްލައްކަ ހަތްދިހަ ފަސްހާސް ހަތަރުސަތޭކަ އައްޑިހަ ފަހެއް) މީހުންކަމުގައިވެސް މިނިސްޓްރީ އޮފް އިސްލާމިކް އެފެއާޒުން ހާމަކުރައްވައެވެ.

މިނިސްޓްރި އޮފް އިސްލާމިކް އެފެއަރޒްއިން ހާމަކުރައްވާފައިވާ ގޮތުގައި، ފަޤީރުންގެ ލިސްޓްގައި ހިމެނިފައިވާ 8446 (އަށްހާސް ހަތަރުސަތޭކަ ސާޅީސް ހައެއް) މީހުންގެ ތެރެއިން، މާލެ ސިޓީން1736 ( އެއްހާސް ހަތްސަތޭކަ ތިރީސް ހައެއް) މީހުންނަށް، ބޮލަކަށް 3450 ( ތިންހާސް ހަތަރުސަތޭކަ ފަންސާސް) ރުފިޔާގެ ރޭޓުން ވަނީ 20 އެޕްރިލް 2023ގައި ޒަކާތު ފައިސާ ޖަމާކޮށްދީފައެވެ.

މީގެ އިތުރުން ފިޠުރުޒަކާތުގެ ގޮތުގައި ލިބުނު 12989.3 ( ބާރަހާސް ނުވަސަތޭކަ އައްޑިހަ ނުވައެއް ޕޮއިންޓް ތިނެއް ) ކިލޯގެ ގޮވާންވެސް، 20 އެޕްރިލް 2023ގެ ނިޔަލަށް ވަނީ ބަހާ ނިޔަލަށް ވަނީ ބހައި ނިމިފައި ކަމުގައި މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވެއެވެ.