ހުޅުމާލޭގައި މިއަދު އިރު އޮއްސުނު ވަގުތު ހިނގި އެކްސިޑެންޓެއްގައި، އެކަކު މަރުވެ ދެމީހުން ޒަޚަމްވެއްޖެއެވެ.

ފުލުހުންގެ އިދާރާއިން ބުނީ، މިއެކްސިޑެންޓް ހިނގާފައި ވަނީ ހުޅުމާލެ ހިތިގަސްމަގު ބުރިޖުކައިރިން ޕްލެޓިނަމް ފްލެޓްތައް ކައިރީގައި ކަމަށެވެ. މިއެކްސިޑެންޓް ހިނގާފައި ވަނީ، ޕްރައިވެޓް ކާރަކާއި ޓެކްސީއެއް ޖެހިގެންނެވެ. މިހާދިސާގައި މަރުވެފައި ވަނީ އުމުރުން 65 އަހަރުގެ ޓެކްސީ ޑްރައިވަރުކަމަށާއި، އެކާރު މަތަވެފައި ވަނީ، ހިތިގަސްމަގު ބްރިޖު ކަރީގައި ޖަހާފައިވާ ރޯޑް ޑިވައިޑަރުގައި ޖެހިގެން ކަމަށްވެސް ފުލުހުން ވަނީ ބުނެފައެވެ. އަދި އެޓެކްސީގައި އިނީ ޑްރައިވަރު އެކަނިކަމަށްވެސް ފުލުުން ވަނީ ބުނެފައެވެ.

މިހާދިސާގައި އަނިޔާވި އަނެއް ދެމީހުންނަކީ ޕްރައިވެޓް ކާުރުގައި ތިބި ދެމީހުންނެވެ. ފުލުހުންގެ އިދާރާއިން ބުނީ، އަނިޔާވި މީހުންނަށް ހުޅުމާލެ ހޮސްޕިޓަލްގައި ފަރުވާ ދެމުންދާ ކަމަށެވެ.

މިއެކްސިޑެންޓް ހިނގަން ދިމާވި މައްސަލަ ބަލައި ތަޙްޤީޤު ކުރަމުންދާ ކަމުގައި ފުލުހުންގެ އިދާރާއިން ވަނީ ބުނެފައެވެ.