Advertisement

ރައްޔިތުންގެ މަޖިލީހުގެ މެމްބަރުން --

26 Feb 2024
ޚަބަރު
ޢަލީ ސުލައިމާން

ރައްޔިތުންގެ މަޖިލީހުގެ ޖަލްސާތައް ބޭއްވުން މަދުކޮށްލީ ޕީޖީލީޑަރުންގެ އެދިވަޑައިގަތުމުގެ މަތިން - މަޖިިލިސް

ރައްޔިތުންގެ މަޖިލީހުގެ ޖަލްސާތައް ބޭއްވުން މިހަފްތާއިން ފެށިގެން މަދުކޮށްލާފައި ވަނީ، ރައްޔިތުންގެ މަޖިލީހުގައި ހިމެނޭ ޕާޓީތަކުގެ ޕާލަމެންޓްރީ ގުރޫޕްގެ ލީޑަރުން އެކަމަށް އެދިވަޑައިގެންފައިވާތީ ކަމުގައި ރައްޔިތުންގެ މަޖިލީހުގެ އިދާރާއިން ވިދާޅުވެއްޖެއެވެ.

މަޖިލީހުގެ އިދާރާއިން ވިދާޅުވީ، ރައްޔިތުންގެ މަޖިލީހުގެ ނައިބު ރައީސް ބުރާސްފަތި ދުވަހު، ރައްޔިތުންގެ މަޖިލީހުގެ އިދާރާއިގައި ޕާޓީތަކުގެ ޕާލަމެންޓްރީ ގުރޫޕުގެ ލީޑަރުންނާއި އެކު ބޭއްވެވި ބައްދަލުވުމުގައި މިހާރު މަޖިލީހުން ޖަލްސާތައް ބާއްވަމުން އަންނަ އާއްމު ޝެޑިއުލާއި އެއްގޮތަށް ޖަލްސާތައް ބާއްވާ މިންވަރު މަދުކުރެއްވުމަށް އެދިވަޑައިގެންފައިވާ ކަމަށެވެ. އެގޮތުން މިދުވަސްވަރު މަޖިލީހުގެ ޖަލްސާތައް ބޭއްވުން މަދުކޮށްލެއްވީ، ޕާޓީތަކުގެ ޕީޖީ ގުރޫޕުންގެ އަޤުލަބިއްޔަތު އެގޮތަށް ބޭނުންވެގެން ކަމުގައިވެސް މަޖިލީހުގެ އިދާރާއިން ވިދާޅުވިއެވެ.

ރައްޔިތުންގެ މަޖިލީހުގެ އާއްމު ޝެޑިއުލްގައި ޖަލްސާތައް ބާއްވާނީ ހަފްތާގެ، ހޯމަ، އަންގާރަ، އަދި ބުދަ މިތިންދުވަހުގައެވެ. އެހެން ނަމަވެސް މިހަފްތާގައި މަޖިލީހުގެ ޖަލްސާއެއް ބޭވުމަށް ހަމަޖައްސާފައި ވަނީ، މިފެބުރުއަރީ މަހުގެ 28ވާ ބުދަ ދުވަހުގައި ކަމަށް ރައްޔިތުންގެ މަޖިލީހުގެ، ޑިރެކްޓާ އޮފް ކޮމިއުނިކޭޝަން ހަސަން ޒިޔާއު ވިދާޅުވިއެވެ.

ރައްޔިތުންގެ މަޖިލީހުގެ ޖަލްސާތައް ބާއްވާ އާއްމު ޝެޑިއުލަށް ބަދަލު ގެނެސް، ހަފްތާގެ ކޮންމެ ދުވަހަކު ޖަލްސާތައް ނުބޭއްވުމަށް ނިންމެވުމާއި ގުޅިގެން ދަ ޑިމޮކްރެޓްސްގެ ރައީސް އަދި ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު ހަސަން ލަތީފު ވަނީ ކަންބޮޑުވުން ފާޅުކުރައްވާފައެވެ.

ބުރާސްފަތި ދުވަހު ބޭއްވި ބައްދަލުވުމުގައި ބައިވެރިވެވަޑައިގެންނެވި މެމްބަރުންގެ ފަރާތުން އެނގިފައިވާ ގޮތުގައި މަޖިލީހުގެ ޖަލްސާތައް ބޭއްވުން މަދުކޮށްލުމަށް ހުށައެޅި އެ ބައްދަލުވުމުގައި، ދަ ޑިމޮކްރެޓްސްގެ އެއްވެސް މެމްބަރަކު ބައިވެރިވެވަޑައިގެންފައެއް ނުވެއެވެ.

މިހާރު އޮތް ގޮތުން ރައްޔިތުންގެ މަޖިލީހުގެ އިންތިޚާބު، ބޭއްވުމަށް ހަމަޖެހިފައި ވަނީ، އަންނަ މާރިޗު މަހުގެ 17 ވަނަ ދުވަހުގައިކަމަށް ވުމާއި، މަޖިލީހުަގެ މެމްބަރުންގެ ގޮތުގައި ތިއްބެވި ގިނަ މެމްބަރުންތަކެއް މަޖިލީހުގެ އިންތިޚާބުގައި ވާދަކުރައްވާތީ، ކެމްޕޭނަށް ވަގުތު ހޯއްދެވުމަށް ގިނަ މެމްބަރުން މަޖިލީހުގެ ޖަލްސާތައް މަދުކުރަން ބޭނުންފުޅުވެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.