ދިވެހި ތިން ފިރިހެނަކު ރަހީނުކުރި މައްސަލައިގައި ހައްޔަރު ކުރި ދިވެހި ފިރިހެންމީހާގެ ބަންދަށް 15 ދުވަސް ޖަހައިފިއެވެ.

ފުލުހުންގެ އިދާރާއިން ވިދާޅުވީ، ރަހީނު ކުރުމުގެ އެމައްސަލަ އާއި ގުޅިގެން ހައްޔަރުކުރި ދިވެހި ފިރިހެންމީހާގެ ބަންދަށް 15 ދުވަސް ކްރިމިނަލްކޯޓުން ޖަހައިީފައިވާ އިރު އެމައްސަލައިގައި ހައްޔަރުކުރި، ކުޑަކުއްޖާ އާއިލާ އާއި ހަވާލުކޮށްފައި ވާކަމަށެވެ.

އިއްޔެ ފުލުހުންނަށް ލިބުނު މައުލޫމާތަކާއި ގުޅިގެން ހެންވޭރު އަބަދަށް އުފާ މަގުގައި ހުންނަ ގެއަކަށް ވަނީ ފުލުހުން ވަދެފައެވެ. ފުލުހުން އެގެއަށް ވަނީ ބާރުގެ ބޭނުންކޮށްގެން ކަމަށާއި، އޭރު އެގޭތެރޭގައި ދިވެހި 3 ފިރިހެނަކު ރަހީނުކޮށްފައި ތިބި ކަމަށް ފުލުހުންގެ އިދާރާއިން ވަނީ ބުނެފައެވެ. އަދި އެމީހުންނަށް އަނިޔާކޮށްފައިވާ ކަމަށާއި ފަރުވާ ދިނުމަށް ހޮސްޕިޓަލަށް ގެންގޮސްފައިވާ ކަމުގައިވެސް ފުލުހުން ބުންޏެވެ، އެހެން ނަމަވެސް އެމައްސަލަ އާއި ގުޅޭ އިތުރު ތަފްޞީލެއް ފުލުހުން މިހާތަނަށް ހާމަކޮށްފައެއް ނުވެއެވެ،