ރައްޔިތުންގެ މަޖިލީހުގެ ރައީސް މުހައްމަދު އަސްލަމް، ޔޫއޭއީގެ ޤާނޫނު ހަދާ މަޖިލީހުގެ ނައިބު ރައީސް ޑރ. ތާރިޤު ހުމައިދު މަތާރު މުހައްމަދު އަލްތަޔެރު އާއި ބައްދަލުކުރައްވައިފިއެވެ.

މިބައްދަލުުކުރެއްވުން ބާއްވަވާފައި ވަނީ، 14 ވަނަ އޭޝިއަން ޕާލަމެންޓަރީ އެސެމްބްލީގައި ބައިވެރިވެވަޑައިގަތުމަށް، ރައްޔިތުންގެ މަޖިލީހުގެ ރައީސް، އޮނަރަބަލް މުޙައްމަދު އަސްލަމް އަޒަރުބައިޖާނަށް ކުރެއްވި ރަސްމީ ދަތުރުފުޅުގެ ތެރެއިން މިއަދުކަމުގައި ރައްޔިތުންގެ މަޖިލީހުގެ އިދާރާއިން ހާމަކުރައްވާފައިވެއެވެ.

ޔޫއޭއީއަކީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރާއި ޚާއްޞަ ގާތްގުޅުމެއް އޮންނަ ޤައުމެކެވެ. މިބައްދަލުކުރެއްވުމާއި ގުޅޭ ގޮތުން މަޖިލީހުގެ އިދާރާއި ތަފްޞީލެއް ހާމަކޮށްފައެއް ނުވެއެވެ.

14 ވަނަ އޭޝިއަން ޕާލަމެންޓަރީ އެސެމްބްލީގައި އިއްޔެ ރައްޔިތުންގެ މަޖިލީހުގެ ރައީސް މުޙައްމަދު އަސްލަމް ވަނީ ތަޤުރީރު ކުރައްވާފައެވެ.