ސޭޝެލްސްގެ ރައީސް ވޭވަލް ރާމްކަލާވަން އާއި އެމަނިކުފާނުގެ އަނބިކަނބަލުން ލިންޑާ ރަމްކަލަވަން ރާއްޖެއަށް ކުރެއްވި ފުރަމާނަ ދަތުރުފުޅު ނިންމަވާލައްވައި ސޭޝެލްސްއަށް ފުރާވަޑައިގެންފިއެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ދަޢުވަތަކަށް ސޭޝެލްސްގެ ރައީސްގެ ދެކަނބަލުން ފުރަމާނަ ދަތުރުފުޅެއްގައި ރާއްޖެއަށް ވަޑައިގެންނެވީ، އާދީއްތަ ދުވަހުއެވެ. ސޭޝެލްސްގެ ރައީސްގެ ދެކަނބަލުން ވަނީ ރާއްޖޭގައި 6 ދުވަސް ހޭދަކުރައްވާފައެވެ.

މިދަތުރުފުޅުގެ ތެރެއިން ރަސްމީބައިތައް ބާއްވާފައި ވަނީ ހޯމަ ދުވަހުގައެވެ.

އެދުވަހު ވަނީ ދެޤައުމުގެ އިސްވެރިންގެ މެދުގައި ރަސްމީ މަޝްވަރާތައް ބާއްވައި 4 އެއްބަސްވުމެއްގައި ވަނީ ސޮއެކޮށްފައެވެ.

މި ފުރަމާނަ ދަރުފުޅުގެ ނިމުން ފާހަގަކޮށް ދެޤައުމު ގުޅިގެން، ޖޮއިންޓް ކޮމިއުނިކޭއެއް ނެރެފައިވާއިރު ދެ ޤައުމުގެ އެކުވެރިކަމުގެ ގުޅުން އެގޮތުގައި ކުރިޔަށްގެންދިއުމާއި ދެ ޤައުމަށްވެސް ފައިދާހުރި ދާއިރާތަކުގައި ގުޅިގެން މަސައްކަތްކުރަމުން ގެންދާނެކަން ފާހަގަކުރައްވާފައިވެއެވެ