Advertisement

ޕެނަޑޯލް

22 Feb 2024
ޚަބަރު

ޕެނަޑޯލްގައި މައްސަލައެއް ނެތްކަމަށް ނިންމައި ވިއްކުމުގެ ހުއްދަ އަލުންދީފި

ރާއްޖޭގެ ބާޒާރުގައި ވިއްކަމުން އައި ޕެނަޑޯލްގައި މައްސަލައެއް ހުރިކަމަށް ފާހަގަކުރެވިގެން، އެބޭސް ވިއްކުން ވަގުތީގޮތުން މަނާކޮށް ކުރި ތަޙްލީލުތަކަށް ފަހުގައި އެބޭހުން މައްސަލައެއް ފާހަގަނުވުމުން މާކެޓްގައި ވިއްކުމުގެ ހުއްދަ އަލުން ދީފިއެވެ.

މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިއްޔެ ނެރުނު ބަޔާނުގައި ބުނީ، ޕެނަޑޯލްގެ 500މިލިގްރާމް ގުޅަ ބޭހުން ފާހަގަވި މައްސަލައަކީ ބޭސް ހޭންޑްލްކުރުމާއި ސްޓޯރ ކުރުމުގެ މިންގަނޑުތައް ހިފެހެއްޓިފައި ނުވުމުގެ ފާހަގަވި މައްސަލައެއް ކަަމަށެވެ. އަދި ކޮލިޓީގެ މައްސަލަ ފާހަގަވި ބޭސްގުޅަތައް މިހާރު މާކެޓުގައި ނެތްކަމަށްވެސް އެމްއެފްޑީއޭއިން ވަނީ ބުނެފައެވެ.

އެހެން ނަމަވެސް ބޭސް ހޭންޑްލް ކުރުމާއި ސްޓޯރ ކުރުމުގައި، ބޭހުގެ ކޮލިޓީ ނުގެއްލޭހެން އަމަލުކުރުމަށާއި މިންގަނޑުތަކާއި އެއްގޮތަށް ބޭސް ގެންގުޅުމަށް ބޭސް ވިއްކާ ތަންތަނަށް އަންގާފައިވާ ކަމުަގައިވެސް އެމްއެފްޑީއޭއިން ވަނީ ބުނެފައެވެ.

ކޮލިޓީގެ މައްސަލައެއް ފާހަގަވެ ރާއްޖޭގައި ޕެނަޑޯލް ވިއްކުން މަނާކުރީ ހުސްވި ޖެނުއަރީ މަހުގެ 30 ވަނަ ދުވަހުން ފެށިގެންނެވެ.

ޚަބަރު މޯލްޑިވްސް ފުޑް އެންޑް ޑްރަގް އޮތޯރިޓީ
ކޮމެންޓް
އިތުރު އާޓިކަލް
10 Apr 2025
ޚަބަރު
ސްޓެމް އެޑިއުކޭޝަންގެ ދާއިރާތަކުން ދަރިވަރުން ތަމްރީނުކޮށް މީހުން ބިނާކުރުމަށް ޚާއްސަ ސަމާލުކަމެއް ދޭންޖެހޭކަމަށް ރައީސުލްޖުމްހޫރިއްޔާ ވިދާޅުވެއްޖެ
ރައީސުލްޖުމްހޫރިއްޔާގެ ވާހަކަފުޅުގައި، ސްޓެމްގެ ދާއިރާތަކުން ކިޔަވާ ކުދިން ނުލިބުމުގެ ސަބަބުން އެ ދާއިރާތަކުން ކިޔަވާފައިތިބި ބޭރު މީހުން ގެންނަންޖެހޭ ކަމަށާއި އެގޮތުން ޑޮކްޓަރުންނާއި އިންޖިނޭރުން ގެންނަން ޖެހެނީ ބޭރުންކަން ވަނީ ފާހަގަކުރައްވާފައެވެ. މީގެ އިތުރުން ރައީސުލްޖުމްހޫރިއްޔާ ވަނީ، ރާއްޖޭގައި ހިންގާ ބައިވަރު ޢުމްރާނީ ތަރައްޤީގެ މަޝްރޫޢުތަކަށް ބޭނުންވާ އިންޖިނޭރުންނާއި ކުއަންޓިޓީ ސަރވެޔަރުންނާއި އެ ދާއިރާތަކުން އެކަށީގެންވާ މިންވަރަށް މީހުން ނެތްކަން ފާހަގަކުރައްވާފައެވެ.
10 Apr 2025
ޚަބަރު
ބޭރުގައި ކިޔަވާ ކުދިންނަށް ބޭންކު ރޭޓުގައި ޑޮލަރު ލިބޭނެގޮތް ހަމަޖައްސަވައި ދެއްވާނޭ ކަމުގައި ރައީސް ވިދާޅުވެއްޖެ
އެމަނިކުފާނު ވިދާޅުވީ، ޑޮލަރު ހޯދުމަށް ދިމާވެފައިވާ ދަތިކަން ހައްލުކޮށްދެއްވާނެ ކަމަށާއި، މި މައްސަލައަށް ހައްލު ހޯއްދެވުމުގެ މަސައްކަތްތައް މިހާރުވެސް ފައްޓަވައިގެން ކުރިއަށް ގެންދަވާކަމަށެވެ. އަދި ރާއްޖެއިން ބޭރަށް ކުރައްވާ ދަތުރުފުޅުތަކުގައި، އެ ޤައުމުތަކުގައި ކިޔަވާ ދިވެހި ދަރިވަރުންނާ ބައްދަލުކުރައްވައި، އެ ދަރިވަރުންގެ ކަންބޮޑުވުންތައް އަޑުއައްސަވާއިރު، ލޯނު ސްކީމުގައި ކިޔަވާ ދަރިވަރުންނަށް ބޭންކު ރޭޓުގައި ޑޮލަރު ލިބޭނެ އިންތިޒާމެއް ހަމަޖެއްސުމަށް ދަރިވަރުން އެދޭކަން، ރައީސުލްޖުމްހޫރިއްޔާ ފާހަގަކުރެއްވިއެވެ.
10 Apr 2025
ޚަބަރު
ޤާސިމްގެ ހިލޭ އެހީގައި މާމިގިލީގައި ފުލުހުންގެ މަރުކަޒެއް އަޅަނީ
މި އިމާރާތުގެ ބިންގާ އަޅާފައި ވަނީ އެކަމަށްޓަކައި މިއަދު ބޭއްވި ޚާއްޞަ ރަސްމިއްޔާތެއްގައެވެ. މިރަސްމިއްޔާތުގައި ވަނީ، މި އިމާރާތް އަޅައިދިނުމުގެ އެއްބަސްވުމުގައި ސޮއިވެސް ކޮށްފައެވެ. މިއީ ގާސިމް އިބްރާހީމްގެ ހިލޭ އެހީގެ ދަށުން ބިނާކޮށްދެއްވާ މަރުކަޒެކެވެ.
10 Apr 2025
ޚަބަރު
ފުލުހުންގެ ބަންދުގައި ހުއްޓައި ދަންޖެހުނު މީހާ މަރުވެއްޖެ
ހދ. ކުޅުދުއްފުށި ޕޮލިސް ކަސްޓޯޑިއަލްގައި ހައްޔަރުކޮށްފައި ހުރި އެމީހާ ދަންޖެހުނީ މި އޭޕްރިލް މަހުގެ 04 ވަނަ ދުވަހުގެ ރޭ 21:12 ހާއިރުގައި ކަމަށް ފުލުހުންގެ އިދާރާއިން ވިދާޅުވިއެވެ. އެވަގުތުން ފެށިގެން އެމީހާއަށް ފަރުވާދެމުން އައީ ކުޅުދުއްފުށީ ރީޖަނަލް ހޮސްޕިޓަލުގައެވެ.