Advertisement
ފުލުހުންގެ އިދާރާ --
ރަހީނުކޮށްފައި ތިބި ތިން މީހުން ސަލާމަތްކޮށް އެމައްސަލައިގައި ބޮޑު މީހަކާ ކުޑަކުއްޖަކު ހައްޔަރުކޮށްފި
މާލޭގެ ގެއެއްގެ ތެރޭގައި ދިވެހި ތިން ފިރިހެނަކު ރަހީނުކޮށްފައި ތިއްބާ ފުލުހުން އެމީހުން ސަލާމަތްކޮށްފިއެވެ.
ފުލުހުންގެ އިދާރާއިން ބުނީ، މާލޭގެ ގެއެއްގެ ތެރޭގައި ބަޔަކު ރަހީނުކޮށްފައި ތިބި ކަމުގެ މައުލޫމާތު ފުލުހުންނަށް ލިބުމާއި ގުޅިގެން، ހ. އަބަދަށްއުފާ މަގުގައި ހުރި ގެއަކަށް ފުލުހުން ބާރުގެ ބޭނުންކޮށްގެން ވަދެ ބެލި އިރު އެގޭގެ ތެރޭގައި ދިވެހި ތިންފިރިހެނުން ރަހީނުކޮށްފައި ތިބި ކަމަށެވެ. އަދި އެމީހުން ސަލާމަތްކުރުމަށް ފަހު މިހާރު ވަނީ، އައިޖީއެމްހޮސްޕިޓަލަށް ގެންގޮސް ފަރުވާދޭން ފަށާފައި ކަމަށާއި އެ މީހުންނަށް އެކިވަރުގެ އަނިޔާތައްވެސް ކޮށްފައިވާކަމަށް ފުލުހުން ބުނެފައިވެއެވެ.
ފުލުހުންގެ އިދާރާއިން ބުނީ، ރަހީނުކުރުމުގެ އެމައްސަލަ އާއި ގުޅިގެން ދިވެހި ފިރިހެނަކާއި، 18 އަހަރުން ދަށުގެ ކުޑަކުއްޖަކު ހައްޔަރުކޮށްފައިވާ ކަމަށެވެ. އަދި އެމައްސަލަ ފުލުހުން ތަޙްޤީޤުކުރަމުންދާ ކަމުގައިވެސް ފުލުހުންގެ އިދާރާއިން ވަނީ ބުނެފައެވެ. އެހެން ނަމަވެސް މިމައްސަލައާ ގުޅޭގޮތުން އިތުރު ތަފްޞީލެއް ފުލުހުން އަދި ހާމައެއް ނުކުރެއެވެ.
