މިނިސްޓްރީ އޮފް އެގްރިކަލްޗާ އެންޑް އެނިމަލް ވެލްފެއާގެ ސްޓޭޓް މިނިސްޓަރު ކަމުގެ މަޤާމުގައި ހުންނެވި ހުސެއިން އިސްމާއިލް އެ މަގާމުން ވަކިކޮށްފިއެވެ. އޭނާ އެ މަގާމަށް އައްޔަނު ކުރެއްވީ މިދިޔަ މަހުގައެވެ.

އޭނާއަކީ އެމްއެންޕީގެ ނާއިބު ރައީސް މަގާމުގައި ވެސް ހުންނެވި ބޭފުޅާއެެވެ. އޭނާ މަގާމުން ވަކިކުރިކަން ވަނީ ކަށަވަރުކޮށްދެއްވާފައެވެ.

އޭނާ އެ މަގާމުން ވަކިކުރީ ރައީސަށް ލިބިގެންވާ ބާރުދެ ދަށުންނެވެ. ނަމަވެސް އިތުރު ތަފްސީލެއް ހާމައެއް ނުކުރެއެވެ.

އޭނާ އެ މަގާމުން ވަކިކުރި ނަމަވެސް އެ މިނިސްޓްރީގައި އިތުރު ދެ ސްޓޭޓް މިނިސްޓަރުން ތިއްބަވައެވެ. އެއީ މަރްޔަމް ވިޝާމާ އަހުމަދު އާއި އަހުމަދު ހަސަންދީދީއެވެ.