Advertisement

ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން --- ފޮޓޯ: ރައީސް އޮފީސް

15 Jun 2023
ޚަބަރު
ޢަލީ ސުލައިމާން

ނުކުޅެދުންތެރިކަން ހުންނަ ފަރާތްތަކަށް ދެއްވާ މާލީ އެހީ %50 ބޮޑުކުރައްވައި އިތުރު އެލަވަންސްތަކެއް ތަޢާރަފްކުރައްވައިފި

ނުކުޅެދުންތެރިކަން ހުންނަ ފަރާތްތަކަށް ދެއްވާ މާލީ އެހީ %50 ބޮޑުކުރައްވައި އިތުރު އެލަވަންސްތަކެއް ތަޢާރަފްކުރައްވައި އެކަމާއި ގުޅޭ ތަފްސީލްތައް ސަރުކާރުން މިއަދު ހާމަކުރައްވައިފިއެވެ.

ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި އެކަމާއި ގުޅޭ ތަފްސީލްތައް ހާމަކުރެއްވީ، މިނިސްޓަރ އޮފް ޖެންޑާ ފެމިލީ އެންޑް ސޯޝަލް ސަރވިސް އާއިޝަތު މުޙައްމަދު ދީދީއެވެ.

މިނިސްޓަރ ވިދާޅުވީ، ނުކުޅެދުންތެރިކަން ހުންނަ ފަރާތްތަކަށްދޭ މާލީ އެހީ ހުރިހާ ފަރާތްތަކަށްވެސް %50 އިންސައްތަ ރައީސުލްޖުމްހޫރިއްޔާ ބޮޑުކޮށްދެއްވާފައިވާ ކަމަށެވެ. މިގޮތުން ނުކުޅެދުންތެރިކަން ހުންނަ މީހުންގެ ދަފްތަރުގައި ރަޖިސްޓްރީވެފައިވާ ހުރިހާ ފަރާތްތަކަށް، މިޖޫން މަހުންފެށިގެން އެންމެ މަދުވެގެން 3000ރ މާލީ އެހީގެ ގޮތުގައި ލިބޭނެ ކަމުގައި މިނިސްޓަރ ވިދާޅުވިއެވެ.

މީގެ އިތުރުން ނުކުޅެދުންތެރިކަމުގެ ޙާލަތާއި ދިރިއުޅުމުގެ ޙާލަތަށް ރިޢާޔަތްކުރައްވައި އިތުރު އެލަންސްތަކެއްވެސް ދެއްވުމަށް ނިންމަވާފައިވާއިރު، ނުކުޅެދުންތެރިކަން ހުންނަ ފަރާތްތަކަށް 6000ރ އާ ހަމައަށް އެލަވަންސް ލިބޭނެއެވެ.

މިގޮތުން ނުކުޅެދުންތެރިކަމުގެ ސަބަބުން އަމިއްލައަށް ކަންކަން ނުކުރެވޭ މީހުންނަށް، އިތުރު 2000ރ ގެ އެލަވަންސްއެއް ދެއްވުމަށާއި، ނުކުޅެދުންތެރިކަމުގެ ސަބަބުން ބޭނުންވާ އާއްމު ތަކެތި ހޯދުމަށް ބޭނުންވާ ފަރާތްތަކަށް 1000ރ ގެ އެލަވަންސަކާއި، އެއްގޭބިސީއެއްގައި ނުކުޅެދުންތެރިކަން ހުންނަ 3 މީހުންނަށްވުރެ ގިނައިން ތިބޭނަމަ އެލަވަންސްގެ ގޮތުގައި 1000ރ ދެއްވުމަށް ވަނީ ނިންމަވާފައެވެ.

މިއީ ފާއިތުވި 12 އަހަރުގެ ތެރޭގައި ނުކުޅެދުންތެރިކަން ހުންނަ ފަރާތްތަކަށް ދެއްވާ މާލީ އެހީގެ މިންވަރު މުރާޖަޢާކޮށް އެހީގެ މިންވަރު ބޮޑުކޮށް އަދި ކެޓަގަރައިޒްކޮށްގެން އެހީތައް ދެއްވަން ފެށި ފުރަތަަމަ ފަހަރެވެ.

ނުކުޅެދުންތެރިކަން ހުންނަ ފަރާތްތަކަށް ދައުލަތުގެ ފަރާތުން މާލީ ޢިނާޔަތް ދެއްވަން ފައްޓަވާފައި ވަނީ ރައީސް މައުމޫނުގެ ވެރިކަމުގެ ދައުރުގައެވެ. މިގޮތުން ރައީސް މައުމޫނުގެ ދައުރު ނިމުނު އިރު ނުކުޅެދުންތެރިކަން ހުންނަ ފަރާތްތަކަށް ޢިނާޔަތުގެ ގޮތުގައި މަހަކު ދެއްވަމުން އައީ 500ރ އެވެ. ރައީސް ނަޝީދުގެ ވެރިކަމުގައި ނުކުޅެދުންތެރިކަން ހުންނަ ފަރާތްތަކަށް 2000ރ ގެ މާލީ ޢިނާޔަތެއް ދެއްވަން ފެއްޓެވީ 2011 ވަނަ އަހަރުގައެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.