Advertisement

މަޖިލީހުގެ ރިޔާސަތު ބެލެހެއްޓެވި ޙަސަން އަފީފް، ރިޔާސަތުގައި އިންނަވައި ފޯނު ނަންގަވަނީ --

14 Jun 2023
ޚަބަރު
ޢަލީ ސުލައިމާން

މަޖިލީހުގެ ރިޔާސަތުގައި ނުއިންނަވައި ރައީސް ނަޝީދު ރިޔާސަތަށް ނުފޫޒު ފޯރުއްވަވަނީ

މަޖިލީހުގެ ރިޔާސަތުގައި އިންނެވުމަށް އުޒުރުވެރިވާކަމަށް ވިދާޅުވުމަށް ފަހު، ރައީސް ނަޝީދު މަޖިލީހުގެ ރިޔާސަތަށް ނުފޫޒު ފޯރުވާކަަމަށް ވިދާޅުވެ އެމްޑީޕީގެ މެމްބަރުން ތުހުމަތުތައް ކުރައްވައިފިއެވެ.

މަޖިލީހުގެ ރިޔާސަތުގައި އިންނެވުމަށް ރައީސް ނަޝީދު އުޒުރުވެރިވެވަޑައިގެންފައި ވަނީ، 54 މެމްބަރުން ސޮއެކުރައްވައި އެމަނިކުފާނުގެ އިތުބާރު ނެތްކަމުގެ މައްސަލަ މަޖިލީހަށް ހުށައަޅުއްވާފައިވާތީ ކަމަށް ވިދާޅުވުމަށް ފަހުގައެވެ. އެމްޑީީޕީގެ މެމްބަރުން ރައީސް ނަޝީދުގެ އިތުބާރު ނެތް ކަމުގެ މައްސަލަ މަޖިލީހަށް ހުށައެޅީ، ރައްޔިތުންގެ މަޖިލީހުގެ ކޮމިޓީތައް އެކުލަވާނުލައްވައި ރައީސް ނަޝީދު ހިފަހައްޓަވާފައި ވުމާއި، މަޖިލީހުގެ ނައިބު ރައީސް އިވާ ޢަބުދުﷲ ގެ އިތުބާރުނެތްކަމުގެ މައްސަަލަ 50 މެމްބަރުން ސޮއެކުރައްވައި މަޖިލީހަށް ހުށައެޅުއްވުމުންވެސް އެމައްސަލައިގެ ވޯޓު ނެގިޔަ ނުދިނުމަށް ނޫފޫޒު ފޯރުއްވަވަމުން ގެންދިޔުމާއި ގުޅިގެންނެވެ.

މަޖިލީހުގެ މަސައްކަތްތައް ކުރިޔަށް ގެންދިޔަ ނުދީ ހުއްޓުވާފައި އޮތީ ރައީސް ނަޝީދާއި، އެމަނިކުފާނުގެ ފިކުރެއްގެ ދިރުމުގައި މަސައްކަތްކޮށް އަދި މިހާރު ދަ ޑިމޮކްރެޓްސްގެ ނަމުގައި ރައީސް ނަޝީދަށް ރިޔާސީ ޓިކެޓް ހޯދައި ދިނުމަށް އުފައްދާން އުޅޭ މެމްބަރުންނެވެ. 

މަޖިލީހުގެ ޖަލްސާގައި ކޮމިޓީތަކުގެ މައްސަލައަށް ހައްލު ހޯދުމަށް ތަޅުމަށް ހުށައަޅައިގެން ކުރިޔަށް ގެންދިޔުމަށް މިއަދު މަސައްކަތް ކުރި ނަމަވެސް އެމައްސަލަ ކުރިޔަށް ގެންދިޔަ ނުދީ ހުރަސް އެޅުއްވީ ރައީސް ނަޝީދަށް ރިޔާސީ ޓިކެޓް ހޯދައި ދިނުމަށް މަސައްކަތް ކުރައްވާ މެމްބަރުންނެވެ.

މަޖިލީހުގެ މިއަދުގެ ޖަލްސާގައި ރިޔާސަތުގައި ވިލުފުށީ ދާއިރާގެ މެމްބަރު ޙަސަން އަފީފް އިންނެވި އިރު މަޖިލީހުގެ ނިޒާމް ހަމަޖައްސަވައިގެން، މައްސަލަ ކުރިޔަށް ގެންދަން މަސައްކަތް ކުރި ތަނެއް ނުފެނެއެވެ. މެމްބަރު ޙަސަން އަފީފަކީވެސް ރައީސް ނަޝީދަށް ރިޔާސީ ޕްރައިމަރީ ނާކާމިޔާބު ވުމުން ރައީސް ނަޝީދާއިއެކު ފިކުރެއްގެ ދިރުން ފެކްޝަންގައި ހިމެނޭ އަދި މިހާރު ދަ ޑިމޮކްރެޓްސްއާ ގުޅިވަޑައިގެންފައިވާ މެމްބަރެކެވެ.

މިއަދުގެ ޖަލްސާ ރިޔާސަތުގައި އިންނެވި ހަސަން އަފީފް ޖަލްސާ ނިންމަވާލެއްވީ، ކޮންވެސް ބޭފުޅަކު ފޯނު ކުރައްވައި އަފީފުއަށް ޖަލްސާ ނިންމަވާލެއްވުމަށް އެންގެވުމުންނެވެ. އޭރު ޖަލުސާ ގެންދިޔުމަށް ހުރަސް އަޅުއްވައިގެން ތިއްބެވީ، ރައީސް ނަޝިދަށް ރިޔާސީ ޓިކެޓެއް ހޯއްދަވައި ދެއްވުމަށް އުފައްދާ ކަމަށް ބެލެވިފައިވާ ދަ ޑިމޮކްރެޓްސްގެ މެމްބަރުންނެވެ. 

އެމްޑީޕީގެ މެމްބަރުން ތުހުމަތު ކުރައްވާ ގޮތުގައި އަފީފަށް ފޯނު ކުރައްވައި ޖަލްސާ ނިންމަވާލެއްވުމަށް އަންގަވާފައި ވަނީ ރައީސް ނަޝީދެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.