Advertisement
ދައުރުވަމުންދާ ވީޑިއޯގެ ސްކްރީން ޝޮޓެއް --
ފުލުހުން ގެނބެމުން ދިޔަ މީހަކު ސަލާމަތްކޮށްފި
އައިޖީއެމްއެޗާއި ދިމާއިން މާލޭގެ އުރަފަށް ކައިރިން ގެނބެމުންދިޔަ މީހަކު ފުލުހުން ސަލާމަތްކޮށްފިއެވެ.
ފުލުހުން ބުނެފައި ވަނީ އޮޔާދަނިކޮށް ސަލާމަތްކޮށްފައި ވަނީ 24 އަހަރުގެ ދިވެހި ފިރިހެނެއް ކަމަށެވެ.
އެމީހާ ސަލާމަތްކުރުމަށް ފުލުހުން މަސައްކަތް ކުރަމުން ދިޔަ މަންޒަރު ފެންނަ ވީޑިއޯއެއް ސޯޝަލްމީޑިއާގައި މިހާރު ދަނީ ދައުރުވަމުންނެވެ.
އެވީޑިއޯއިން ފެންނަ ގޮތުގައި އެމީހާ އޮޔާދިޔައިރު އޮތީ އުޑުތިލަމަތިންނެވެ. އަދި އޭނާ އަތުން ހަރަކާތްކުރާ މަންޒަރުވެސް އެވީޑިއޯއިން ފެނެއެވެ. އެމީހާ ސަލާމަތް ކުރުމަށް މޫދަށް އެރުނު ފުލުހުން ފުރަތަމަ މަސައްކަތްކުރީ އެމީހާ ހިލަތޮށީގެ ގާތަކު ތެރެއިން އެމީހާ ތޮށިމަތިން އެއްގަމަށް ނެގުމަށެވެ. އެހެން ނަމަވެސް އެކަން ކާމިޔާބުވާ ގޮތް ނުވުމުން އެމީހާ އެއްގަމަށް އެރުވީ، ޑިންގީއަކަށް އަރުވައިގެން ހުޅަނގު ބަނދަރުންނެވެ.
