Advertisement
ދިރާގުގެ އިވެންޓެއްގެ ތެރެއިން ---
ޓެކްނިކަލް މައްސަލައެއް ދިމާވެ، ދިރާގުގެ ބައެއް ޚިދުމަތްތަކަށް ބުރޫއަރައިފި
ޓެކްނިކަލް މައްސަލައެއް ދިމާވެ ދިވެހިރާއްޖެގެ ގުޅުން ޕްރައިވެޓް ލިމމިޓެޑް، ދިރާގުން ފޯރުކޮށްދެމުންދާ ބައެއް ޚިދުމަތްތަކަށް ބުރޫ އަރާފައިވާ ކަމުގައި އެކުންފުނިން ބުނެފިއެވެ.
ދިރާގުން ބުނީ، އެކުންފުނީގެ މޯބައިލް އިންޓަރނެޓް އަދި، ފައިބަރ ބްރޯޑްބޭންޑް ޚިދުމަތްތައް ހޯއްދަވާ ފަރާތްތަކަށް، ޚިދުމަތް ލިބިގަތުމުގައި ދަތިތަކެއް ކުރިމަތިވެފައިވާކަން ފާހަގަކުރެވިފައިވާ ކަމަށެވެ. އަދި ދިމާވިމައްސަލަ ހައްލު ކުރުމަށް ދިރާގުގެ ޓެކްނީޝަނުން މަސައްކަތް ކުރަމުންދާ ކަމަށާއި، ޚިދުމަތް ލިބުމުގައި ދިމާވާ ދަތިތަކަށް ކަސްޓަމަރުންގެ ކިބައިން މަޢާފަށް އެދޭކަމުގައިވެސް އެކުންފުނިން ވަނީ ބުނެފައެވެ.
ދިރާގަކީ، ރާއްޖޭގައި ފޯނާއި އިންޓަރނެޓްގެ ޚިދުމަތް ފޯރުކޮށްދޭ އެންމެ ބޮޑު ކުންފުންޏެވެ. އަދި ދިވެހިރާއްޖޭގެ ނަމްބަރ 1 ނެޓްވޯކަކީވެސް ދިރާގެވެ.
Advertisement
