Advertisement

ފޮޓޯ: ޕޮލިސް

16 Feb 2024
ޚަބަރު

ތ. ވަންދޫއާއި ދ. ހުޅުދެލީގައި ޕޮލިސް ޕޯސްޓެއް ހުޅުވައިފި

ތ. ވަންދޫއާއި ދ. ހުޅުދެލީގައި ޕޮލިސް ޕޯސްޓު ހުޅުވައި، ޚިދުމަތްދޭން ފަށައިފިއެވެ. މި ދެ ރަށުގެވެސް ޕޮލިސް ޕޯސްޓު ހުޅުވައިދެއްވީ ކޮމިޝަނަރ އޮފް ޕޮލިސް ޢަލީ ޝުޖާއުއެވެ.

ތ. ވަންދޫ ޕޮލިސް ޕޯސްޓު ހުޅުވައިދެއްވައި ވާހަކަދައްކަވަމުން ކޮމިޝަނަރ އޮފް ޕޮލިސް ވިދާޅުވީ، ވަންދޫގައި ޕޮލިސް ޕޯސްޓެއް ގާއިމުކުރުމުގެ އެންމެބޮޑު ބޭނުމަކީ މަދުންނަމަވެސް ވަންދޫގައި ހިނގާ ކުށްތަކާއި އަލަށް ތައާރަފުވުމަށް ފުރުސަތު އޮތް ކުށްތަކުން އެރަށުގެ މުޖުތަމައު ސަލާމަތްކޮށް ރައްކާތެރި އަމާން ވެއްޓެއް ގާއިމުކުރުންކަމަށެވެ. އަދި މީހުން ދިރިއުޅޭ ކޮންމެ ރަށެއްގައި ވެސް ފުލުހުން ގާއިމުވެތިބުން މުހިންމުވަނީ މުޖުތަމައުގެ ދާހިލީ ސަލާމަތާއި ރައްކާތެރިކަމާއި އަމަންއަމާންކަން ދެމެހެއްޓުމަށްޓަކައި ކުރަންޖެހޭ ކަންކަމާއި ޖިނާއީ ކުށްކުރުން ހުއްޓުވައި ގާނޫނު ދެމެހެއްޓުން ކަމުގައި ވިދާޅުވިއެވެ. 

ހުޅުދެލީ ޕޮލިސް ޕޯސްޓު ހުޅުވައިދެއްވައި ކޮމިޝަނަރ އޮފް ޕޮލިސް ވިދާޅުވީ ދިވެހިރާއްޖެއަކީ ކުށް ދައުރުވުން އެހެން ގައުމުތަކާ އަޅައިބަލާއިރު ހަލުވި ގައުމަކަށްވީތީ ދިވެހިރާއްޖޭގެ ކޮންމެ ރަށެއްގައިވެސް ފުލުހުންގެ ހިދުމަތް ދިނުން މުހިންމުކަމަށެވެ. އަދި ދާހިލީ ކަންކަމާއި ޖިނާއީ ކުށްކުރުން ހުއްޓުވައި ތަހުގީގުކޮށް ގާނުނު ތަންފީޒްކުރުވައި ގާނޫނު ނެގެހެއްޓުމަށް ބޭނުންވާ ގާނޫނީބާރާއި އިހުތިޔާރު ލިބިފައިވާ ފުލުހުންގެ ޚިދުމަތެއް ފޯރުކޮށްދޭ މަރުކަޒެއް ހުޅުވައި ޚިދުމަތް ދިނުމަށް ފުލުހުންގެ ގާނޫނު ލާޒިމުކުރާކަމަށް ވިދާޅުވިއެވެ.

ކޮމެންޓް
އިތުރު އާޓިކަލް
10 Jan 2025
ޚަބަރު
ސަފާރީން ގެއްލުނު މީހާ މަރުވެފައި އޮއްވައި ފެނިއްޖެ
މިހާދިސާގައި މަރުވެފައި ވަނީ، "ނޯތު 07" ސަފާރީގެ ފަޅުވެރިއެއްގެ ގޮތުގައި މަސައްކަތް ކުރަމުން ދިޔަ، ނ. ހޮޅުދޫ، ސީވިޑް އަލީ އަރުޝަދު (35އ)އެވެ.
10 Jan 2025
ޚަބަރު
ފޭސް 2 ގެ ސަބްސްޓޭޝަން ގްރޭޓާ މާލެ އިންޓަ ކަނެކްޝަން ގްރިޑާ ގުޅާލައިފި
132 ކިލޯ ވޯލްޓޭޖުގެ މި ސަބްސްޓޭޝަން ގްރޭޓާ މާލެ އިންޓަ ކަނެކްޝަން ގްރިޑާ ގުޅާލާފައި ވަނީ މިއަދުގައެވެ. މި ސަބް ސްޓޭޝަންތަކުގެ ބޭނުމަކީ އެ ސަރަހައްދަށް އެކަށީގެންވާ ގޮތުގައި ކަރަންޓް ފޯރުކޮށްދިނުމެވެ.
10 Jan 2025
ޚަބަރު
ސައުތު ކޭޓަރިންގެ މުވައްޒަފުންނަށް މުސާރަ ނުދޭ މައްސަލަ ބަލަންފަށައިފި
ސައުތުގެ މުވައްޒަފުންނަށް މުސާރަ ނުދޭތީ އެމައްސަލަ ފުލުހުންގެ އެންޓި ހިއުމަން ޓްރެފިކިން ޑިޕާޓްމަންޓުން މިހާރު ދަނީ ބަލަމުން ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ. ސައުތުގެ ބައެއް މުވައްޒަފުން ނޫސްވެރިންނަށް މައުލޫމާތުދީފައިވާ ގޮތުގައި އެކުންފުނީގެ އާއްމު ބައެއް މުވައްޒަފުންނަށް މުސާރަ ނުދޭތާ މިހާރު ވަނީ 6 މަހަށްވުރެ ގިނަ ދުވަސް ވެފައެވެ. އެކަމާއި ގުޅިގެން ސައުތުގެ ބައެއް މުވައްޒަފުން ވަނީ، މިއަދު އިހްތިޖާޖުވެސްކޮށްފައެވެ.
10 Jan 2025
ޚަބަރު
ލޯންޗަކުން ޖެހި ފަތުރުވެރިއަކު މަރުވެއްޖެ
ފުލުހުންގެ އިދާރާއިން ވިދާޅުވީ، އދ. ރެޑިސަން ބްލޫ މޯލްޑިވްސް ރިސޯޓުގެ ބޭރުގައި މޫދަށް އެރި އުޅުނު ފަތުރުވެރިއެއްގެ ގައިގައި ލޯންޗަކުން ޖެހި އޭނާއަށް ލިބުނު ޒަޚަމްތަކުގެ ސަބަބުން ނިޔާވެފައިވާ ކަމަށެވެ. މިހާދިސާ ފުލުހުންނަށް ރިޕޯޓްކޮށްފައި ވަނީ، މިއަދު ހެނދުނު 10:00 ހާއިރުގައި ކަމަށްވެސް ފުލުހުންގެ އިދާރާއިން ވިދާޅުވެފައިވެއެވެ.