Advertisement

ރާއްޖޭގެ ނޫސްތައް --

15 Feb 2024
ޚަބަރު
ޢަލީ ސުލައިމާން

ރަޖިސްޓްރީ ނުކުރާ ބައެއް ނޫސްތަކަށް ފިޔަވަޅު އަޅަން މީޑިއާކައުންސިލުން ނިންމައިފި

ރާއްޖޭގައި ރަޖިސްޓްރީ ނުކޮށް ހިންގަމުން އަންނަ ބައެއް އޮންލައިން ނޫސްތަކާއި މެދު ފިޔަވަޅު އެޅުމަށް ނިންމާފައިވާ ކަމުގައި މޯލްޑިވްސް މީޑިއާ ކައުންސިލުން ބުނެފިއެވެ.

މޯލްޑިވްސް މީޑިއާ ކައުންސިލުން ބުނީ، އެކައުންސިލަށް ހުށައެޅިފައިވާ ޝަކުވާ ތަކާއި ގުޅިގެން، ދިޔަވަރު، ކުރުސީ އަދި ދޮންއަމާގެ ނަމުގައި ހިންގަމުން އަންނަ ތިން އޮންލައިން ނޫހަށް ފިޔަވަޅު އަޅާނެކަމަށެވެ. އެހެން ނަމަވެސް އެނޫސްތަކާއި ދެކޮޅަށް އަޅާނީ ކޮން ފިޔަވަޅެއްކަން އެ ކައުންސިލުން ހާމަކޮށްފައެެއް ނުވެއެވެ.

މީގެ ކުރިން ދިޔަވަރާއި، ކުރުސީ ޑޮޓްކޮށް ވަނީ ސަރުކާރުން ކަމާއި ބެހޭ ފަރާތްތަކަށް އަންގައިގެން ބްލޮކްވެސްކޮށްފައެވެ. އެހެން ނަމަވެސް މީޑިއާތަކާއި މެދު ފިޔަވަޅު އެޅުމުގެ ޤާނޫނީ އިޙްތިޞާސް އޮތް މުއައްސަސާއަކީ މޯލްޑިވްސް މީޑިއާ ކައުންސިލްކަމަށްވުމާއި އެކު އެކައުންސިލާއި ބެހުމެން ނެތި ސަރުކާރުން ނޫސްތައް ބުލޮކް ކުރުމުން ކުރިމަތިވި ފާޑު ކިޔުންތަކާއި އެކު ފަހުން ވަނީ އެނޫސްތައް ދޫކޮށްލާފައެވެ.

މީޑިއާ ކައުންސިލުން އެކަމާއި ގުޅޭ ގޮތުން ނެރުނު ބަޔާނުގައި ބުނެފައި ވަނީ، އެ ނޫސްތަކުން ރައްޔިތުންނަށް ޙަޤީޤަތް އޮޅޭގޮތަށް ދޮގު މައުލޫމާތު ފަތުރަމުން އަންނަކަމަށް ބުނެ އެކައުންސިލަށް ގިނަ އަދަދެއްގެ ޝަކުވާތައް ލިބެމުން އަންނަކަމަށެވެ. ނުރަސްމީ ގޮތުން މައުލޫމާތު ލިބިފައިވާ ގޮތުގައި އެފަދަ ގިނަ ޝަކުވާތައް ހުށައަޅާފައި ވަނީ، ރައީސުލްޖުމްހޫރިއްޔާގެ އޮފީހުގައި މަސައްކަތް ކުރައްވާ ބައެއް ބޭފުޅުންގެ ފަރާތްޕުޅުންނާއި، އަދި އެނޫސްތަކުގައި އެބޭފުޅުންގެ ވާހަކަތައް ލިޔަމުން އަންނަ ބޭފުޅުންގެ ފަރާތްޕުޅުންނެވެ. އޭގެ ތެރޭގައި ހިމެނެނީ ސަރުކާރުގެ ސިޔާސީ މަޤާމުތަކުގައި ތިއްބެވި ބައެއް ބޭފުޅުންނެވެ.

މީޑިއާ ކައުންސިލުން ފާހަގަކޮށްފައިވާ، ރެޖިސްޓްރީ ނުކޮށް ހިންގާ ތިން އޮންލައިން ނޫހަކީ، މިސަރުކާރާއި ސަރުކާރުގެ ވެރިންނަށް ފާޑުކިޔައި ލިޔުންތައް ޝާއިޢު ކުރަމުން އަންނަ ތިން އޮންލައިން ނޫހެވެ. އެނޫސްތަކުގައި ބައެއް ޚައްޞާސް މައްސަލަތަކުގައި، ކަނޑައެޅިގެން ދޮގުމައުލޫމާތުތައް ފަތުރާފައިވާކަން ފާހަގަކޮށްފައިވެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.