ހިޔާގެ ކޮންމެ ޓަވަރެއްގައި އިތުރު 2 ލިފްޓް ހަރުކުރަން ޗައިނާގެ ކުންފުންޏަކާ ހަވާލުކޮށްފިއެވެ. އެޗްޑީސީން ބުނީ ހިޔާ ފްލެޓްތަކުގައި ދިރިއުޅޭ މީހުން އަރާ ފޭބުމުގައި ދިމާވާ ލިފްޓުގެ ދަތިކަން ހައްލުކުރަން އެއްބަސްވުމެއްގައި ސޮއިކޮށްފައި ވަނީ ޗައިނާގެ ޝެންޔަންގް ޔުއާން އިންޓެލެކްޗުއަލް ގުރޫޕްއާ އެކުއެވެ. 

އެޗްޑީސީން ބުނީ ކޮންމެ ޓަވަރެއްގައި 2 ލިފްޓްގެ މަގުން 32 ލިފްޓް ހަރުކުރުމަށް އެ ކުންފުންޏާއި ހަވާލުކޮށްފައިވާކަމަށެވެ. އެއީ ކޮންމެ ފްލެޓަކަށް އިތުރު ޕެސެންޖާ އަދި ސްޓްރެޗާ ލިފްޓެކެވެ. 

މި މަޝްރޫއުގެ މަސައްކަތް އެ ކުންފުނިން މިހާރު ވަނީ ފަށާފައެވެ. އެޗްޑީސީން ބުނީ މަސައްކަތް ނިންމަން އެ ކުންފުންޏަށް ދީފައި ވަނީ އެއް އަހަރު ދުވަސް ކަމަށެވެ. 

އެޗްޑީސީން ބުނީ ލިފްޓް ހަރުކޮށް ނިމުމުން ލިފްޓަށް އެރުމަށް އޮންނަ ކިއޫ ކުޑަވެ ލިފްޓް ގެ އިންތިޒާރުގައި ހޭދަކުރަންޖެހޭ ވަގުތު ކުޑަވެގެންދާނެކަމަށެވެ. 

އެޗްޑީސީން އަދި ބުނީ އެ ކުންފުނި ވާނީ ރައްޔިތުންނަށް ލުއި ފަސޭހަ ކަންކަން އަބަދު ވެސް ކޮށްދޭ ކުންފުންޏަކަށް ކަމަށެވެ.