މިއަހަރުގެ ރިޔާސީ އިންތިހާބުގައި ވޯޓު ދިނުމުގެ ހައްޤު ލިބިފައިވާ މީހުންގެ ދާއިމީ ލިސްޓު އިލެކްޝަންސް ކޮމިޝަނުން މިއަދު އާއްމުކޮށް، އެލިސްޓަށް ޝަކުވާ ހުށައެޅުމުގެ ފުރުޞަތު ހުޅުވާލައިފިއެވެ.

އިލެކްޝަންސް ކޮމިޝަނުގެ ނައިބު ރައީސް، އިސްމާއިލް ޙަބީބު ވިދާޅުވީ ސެޕްޓެމްބަރު 9 ވަނަ ދުވަހު އޮންނަ އިންތިހާބުގައި 282،672 މީހުންނަށް ވޯޓު ލެވޭނެ ކަމަށެވެ. އަލި ލިސްޓަށް ޝަކުވާ ހުށައެޅުމުގެ ފުރުޞަތު ޖޫން 22 ވާ ބުރާސްފަތި ދުވަހުގެ ނިޔަލަށް ހުޅުވާލެވިފައިވާ ކަމުގައިވެސް ޙަބީބު ވިދާޅުވިއެވެ.

ވޯޓާސް ލިސްޓް 1414 އަށް ގުޅުއްވައިގެން ނުވަތަ އެސް.އެމް.އެސްކޮށްގެންވެސް ޗެކް ކުރެވޭނެއެވެ.

އަދި މި ލިސްޓު އީސީގެ ވެބްސައިޓުންނާއި، ރަށު ކައުންސިލްތަކާއި، ސިޓީ ކައުންސިލްތަކުގެ އިދާރާއިން ވެސް ބެއްލެވޭނެ ކަމުގައިވެސް އިލެކްޝަންސް ކޮމިޝަނުން ހާމަކުުރައްވައެވެ.

 ވޯޓާސް ލިސްޓް ޗެކު ކުރުމަށް އެސްއެމްއެސް ފޮނުއްވާނީ ތިރީގައިވާ ގޮތަށެވެ.

VR (space) ID number to 1414