Advertisement

ޤާނޫނު ނަންބަރު 11/2008 (އިންތިޚާބުތަކާބެހޭ ޢާންމު ޤާނޫނު) އަށް އިޞްލާޙު ގެނައުމުގެ ބިލު ދިރާސާކުރުމަށް ހޮއްވެވި 5 މެންބަރުންގެ ވަގުތީ ކޮމިޓީގެ 3 ވަނަ ބައްދަލުވުގެ ތެރެއިން -- ފޮޓޯ: މަޖިލިސް

07 Feb 2024
ޚަބަރު
ޢަލީ ސުލައިމާން

މަޖިލިސް އިންތިޚާބު ލަސްކުރަން ޤާނޫނަށް ގެންނަން ހުށައެޅި އިސްލާޙް ކޮމިޓިން ފާސްކޮށްފި

މިއަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލިސް އިންތިޚާބު ފަސްވެގެންދާ ގޮތަށް، އާއްމު އިންތިޚާބާއި ބެހޭ ޤާނޫނަށް ހުށައަޅާފައިވާ އިސްލާޙްތައް ރައްޔިތުންގެ މަޖިލީހުގެ ކޮމިޓީން ފާސްކޮށްފިއެވެ.

މިއަހަރު ރައްޔިތުންގެ މަޖިލިސް ރޯދަމަހު ބޭއްވުމަށް ހަމަޖެހިފައިވާއިރު، އާއްމު އިންތިޚާބުތަކާއި ބެހޭ ޤާނޫނަށް އިސްލާޙް ހުށައަޅާފައި ވަނީ ރޯދަމަހުގައި އިންތިޚާބުތައް ބޭއްވުން މަނާވެގެންދާ ގޮތަށެވެ. އާއްމު އިންތިޚާބާިއ ބެހޭ ޤާނޫނަށް އިސްލާޙް ގެނައުމުގެ ބިލް ރައްޔިތުންގެ މަޖިލީހަށް ހުށައެޅުއްވީ، އިހަވަންދޫ ދާއިރާގެ މަޖިލިސް މެންބަރު މުހައްމަދު ޝިފާއުއެވެ. މިގޮތުން އާއްމު އިންތިޚާބުތަކާއި ބެހޭ ޤާނޫނަށް އިސްލާޙް ހުށައަޅާފައިވަނީ އިންތިޚާބެއް ބާއްވަންޖެހޭ ދުވަސްވަރު ރަމަޟާން މަހާއި ދިމާވެއްޖެ ނަމަ އެއިންތިޚާބެއް ރަމަޟާން މަސް ނިމިގެން ދިހަ ދުވަހުގެ ފަހުން ބާއްވާ ގޮތަށެވެ.

މިބިލް ފާސްކޮށްފައި ވަނީ އެބިލް ދިރާސާކުރުމަށް ރައްޔިތުންގެ މަޖިލީހުން އެކުލަވާލި ވަގުތީ ކޮމިޓީއިންނެވެ. 

ރައްޔިތުންގެ މަޖިލީހުގެ އިންތިޚާބު ބޭއްވުމަށް މިހާރު އިލެކްޝަންސް ކޮމިޝަނުން ކަނޑައަޅާފައިވާ، މާރިޗު މަހުގެ 17 ވަނަ ދުވަސް ދިމާވަނީ، ރަމަޟާން މަހުގެ 7 ވަނަ ދުވަހާއެވެ. އިލެކްޝަންސް ކޮމިޝަނުން ފާހަގަކޮށްފައިވާ ގޮތުގައި އިންތިޚާބުތަކާއި ބެހޭ ޤާނޫނުގައި މުއްދަތުތައް ދީފައިވާ ގޮތުން ރައްޔިތުންގެ މަޖިލީހުގެ އިންތިޚާބު ރޯދަމަހުގެ ކުރިންވެސް ނުވަތަ ފަހުންވެސް ބޭއްވެން އޮތީ ޤާނޫނަށް ބަދަލު ގެނެސްގެންނެވެ. އަދި ރޯދަމަސް ނިމި ހަރޯދައިގެ ފަހުން އިންތިޚާބު ބާއްވާނަމަ، ޤާނޫނު އަސާސީގައި ކަނޑައަޅާފައިވާ މުއްދަތުގެ ތެރޭގައި އިންތިޚާބުގެ ކަންކަން ނިންމައި ނުލެވިދާނެ ކަމުގެ ކަންބޮޑުވުންވެސް އިލެކްޝަންސް ކޮމިޝަނުން ވަނީ ފާހަގަކޮށްފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.