Advertisement

ފޮޓޯ: އެޗްޑީސީ

04 Feb 2024
ވިޔަފާރި

އެމްއައިބީން ހުޅުމާލޭގައި ޑޮލަރު އޭޓީއެމްއެއް ހުޅުވައިފި

މޯލްޑިވްސް އިސްލާމިކް ބޭންކްގެ ޑޮލަރު އޭޓީއެމްއެއް ފުރަތަމަ ފަހަރަށް ހުޅުމާލޭގައި ހުޅުވައިފިއެވެ. މި އޭޓީއެމް ހުޅުވައިދެއްވީ ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީގެ މެނޭޖިންގ ޑިރެކްޓަރ ފަޒުލް ރަޝީދުއެވެ.

އެމްއައިބީގެ ހުޅުމާލެ ޑޮލަރު އޭޓީއެމް ހުޅުވާފައިވަނީ މިހާރުވެސް ހުޅުމާލޭގައި ހުރި އެމްއައިބީގެ އޭޓީއެމް ބްރާންޗްގައެވެ. މި ބްރާންޗް ހުންނަނީ ހުޅުމާލެ ވަން އެވެނިއު ތިރީގައެވެ.

އެމްއައިބީން ބުނީ މި ޑޮލަރު އޭޓީއެމްގައި ޑޮލަރު ނެގުމާއި އަދި ޖަމާކުރުމުގެ ހިދުމަތް ލިބޭނެކަމަށެވެ. މި އޭޓީއެމްއިން އަމިއްލަ ފަރުދުންނަށާއި އަދި ވިޔަފާރިތަކަށް ދުވާލަކަށް 1600 ޑޮލަރު އަދި މަހަކަށް 10،000 ޑޮލަރު ނެގޭނެއެވެ. އަދި އަމިއްލަ ފަރުދުންނަށް ދުވާލަކު 12،000 ޑޮލަރު ޖަމާކުރެވޭއިރު ވިޔަފާރިތަކަށް ދުވާލަކު 32،000 ޑޮލަރު ޖަމާކުރެވޭނެއެވެ.

Advertisement

އެމްއައިބީން މިހާރު 4 ޑޮލަރު އޭޓީއެމް އަންނަނީ އޮޕަރޭޓްކުރަމުންނެވެ. އެއީ މާލެ ފާމުލަދޭރި ބިލްޑިންގައި ހުރި 2 އޭޓީއެމްއާއި، މެރިން ޑްރީންގައި ހުރި 1 އޭޓީއެމްގެ އިތުރުން ހުޅުމާލޭގައި ހުޅުވި އޭޓީއެމްއެވެ.

ކޮމެންޓް
އިތުރު އާޓިކަލް
15 May 2024
ޚަބަރު
އެންމެ ފުރަތަމަ އާއިލާއަށް އިސްކަން ދިނުމަށް އާއިލާ އާއި ބެހޭ މިނިސްޓަރު ގޮވާލައްވައިފި
މިނިސްޓަރ އައިޝަތު ޝިހާމް އެކަމަނާގެ މެސެޖުގައި ވިދާޅުވީ، އޯގާތެރި މުޖުތަމަޢެއްގެ އެންމެ މުހިންމު އެއް ސިފައަކީ ބަދަހި ޢާއިލާތައް ކަމަށާއި، ޢާއިލާތަކަކީ އަޚުވަންތަކަމާއި އެއްބަނޑު އެއްބަފާވަންތަކަން ދަމަހައްޓައި، އެކަކު އަނެކަކަށް އަޅާލާ އޯގާތެެރި، އެހީތެރި، ކުލުނުވެރި، އެންމެން އެކުގައި ގުޅިގެން އުޅޭ ޢާއިލާތަކަކަށް ވާންޖެހޭ ކަމަށެވެ.
14 May 2024
ޚަބަރު
ސިނަމާލެ ބުރިޖު މަތީގައި ނުރައްކާތެރި އެކްސިޑެންޓެއް ހިނގައިފި
ފުލުހުންގެ ތަރުޖަމާން އަޙްމަދު ޝިފާން ވިދާޅުވީ، ސިނަމާލެ ބުރިޖު މަތީގައި ނުރައްކާތެރި އެކްސިޑެންޓެއް ހިނގައިގެން ފުލުހުން ހަރަކާތްތެރިވަމުންދާ ކަމަށެވެ. އަދި އެކްސިޑެންޓާއި ގުޅިގެން ބައެއް މީހުން ހޮސްޕިޓަލްތަކަށް ފޮނުވާފައިވާ ކަމުގައިވެސް ވިދާޅުވިއެވެ.
14 May 2024
ދުނިޔެ
ތެލް އަވީވްގައި ހުރި އިޒްރޭލް ސިފައިންގެ މަރުކަޒެއްގައި ރޯވެއްޖެ
މީޑިއާތަކުން ރިޕޯޓްކޮށްފައިވާ ގޮތުގައި ރޯވެފައި ވަނީ، ތެލްއަވީވްގައި ހުރި އިޒްރޭލް ސިފައިންގެ ތެލް ހަޝްމޯރް އަސްކަރީ މަރުކަޒުގައެވެ. އެތަނުގައި އަލިފާން ރޯވި ސަބަބެއް އެނގިފައެއް ނުވެއެވެ. އަސްކަރީ މަރުކަޒުގެ ގުދަންތަކުގައި ރޯވެ ބާރުގަދަ ގޮވުންތައް ގޮވަމުންދާކަމަށާއި، އެސަރަހައްދުގެ މަގުތައް މުޅިން ބަންދުކޮށްފައިވާ ކަމަށް މައުލޫމާތު ލިބެއެވެ.
14 May 2024
ޚަބަރު
ރޭ ކުރި ވިއްސާރައިގައި ގެއްލުން ލިބުނު ފަރާތްތަކަށް އެހީދިނުމުގެ މަސައްކަތް ދަނީ ކުރަމުން: އެންޑީއެމްއޭ
ރާއްޖެއަށް މިހާރު ކުރަމުންދާ ވިއްސާރައިގައި ރާއްޖޭގެ ބައެއް ރަށްރަށަށް ރޭ ވަނީ ގެއްލުންތައް ލިބިފައެވެ. މިގޮތުން ރޭ ފަތިހު، ހއ. ދިއްދޫއަށް ނަގޫރޯޅިއެއް އެރުމުގެ ސަބަބުން އެރަށުގެ 10 ގެއެއްގެ ފުރާޅަށް ގެއްލުން ލިބުނު އިރު، 6 ގެއެއްގެ ފުރާޅުވަނީ އެއްކޮށް އެއްލާލާފައެވެ. އެގެތަކުގައި ދިރިނޫޅެވޭ ވަރު ވެފައިވާތީ، އެގެތަކުގައި ދިރިއުޅުނު މީހުން ވަނީ ވަގުތީ ގޮތުން އާއިލީ އެހެން މީހުންގެ ގެތަކަށް ބަދަލުވެފައެވެ.