Advertisement
މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރގެ މަޤާމަށް ޑރ. އައިޝަތު ރަމީލާ ޢައްޔަނުކުރައްވައި މަޤާމުގެ ފަތްކޮޅު ދެއްވުން -- ފައިލްފޮޓޯ
ފަރުވާއަށް ފަހުގައި، މިނިސްޓަރ ރަމީލާ މަސައްކަތަށް ނުކުންނަވައިފި
ކެންސަރުގެ އާލާސްކަންފުޅަށް ފަރުވާ ހޯއްދެވުމަށްފަހުގައި މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ. އައިޝަތު ރަމީލާ މަސައްކަތަށް ނުކުންނަވައިފިއެވެ.
މިނިސްޓަރ ޑރ. ރަމީލާ އެކްސްގައި ކުރެއްވި ޕޯސްޓުގައި ވިދާޅުވީ، ފަރުވާގެ ފުރަތަމަ ފިޔަވަހި ނިންމުމަށްފަހުގައި، މަސައްކަތަށް ނުކުމެވުމަކީ އުފާކުރައްވާ ކަމެއް ކަމަށެވެ.
މިނިސްޓަރ ރަމީލާ ކުރެއްވި ޕޯސްޓް --
މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ. އައިޝަތު ރަމީލާ މަޤާމަށް އައްޔަނުކުރެއްވިތާ މާގިނަ ދުވަސްތަކެއް ނުވަނީ އެކަމަނާ ވަނީ، ބޭސްފަރުވާއަށް ރާއްޖެއިން ބޭރަށް ވަޑައިގެންފައެވެ. އެކަމަނާއަށް ކެންސަރު ޖެހިފައިވާކަން އެނގިވަޑައިގަތީ މަޤާމާއި ހަވާލުވެވަޑައިގެންނެވިވާ މަދު ދުވަސްކޮޅެއްގެ ތެރޭގައެވެ.
މިނިސްޓަރ ޑރ. ރަމީލާ ފަރުވާއަށް ރާއްޖެއިން ބޭރުގައި ހުންނެވި މުއްދަތުގައި ވަގުތީ ގޮތުން އެމިނިސްޓްރީ ހިންގެވުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ހަވާލުކުރެއްވީ ޑިފެންސް މިނިސްޓަރ ޣައްސާނު މައުމޫނަށެވެ.
