ރާއްޖޭގެ މަސްދޯންޏަކަށް އިންޑިއާ ސިފައިން އެރުމުން ދިވެހި ސިފައިން އެކަމާއި ގުޅިގެން ހަރަކާތްތެރިވާން ފަށާފައިވާ ކަމުގައި އެމްއެންޑިއެފުން ވިދާޅުވެއްޖެއެވެ.

އެމްއެންޑީއެފުން ވިދާޅުވީ، ދިވެހިރާއްޖޭގެ ޚާއްޞަ އިޤްތިޞާދީ ސަރަހައްދުގައި ވަނިކޮށް ދިވެހި މަަސްދޯންޏަަކަށް ބޭރުގެ ޢަސްކަރިއްޔާއަކަށް ނިސްބަތްވާ އުޅަނދެއްގެ ބޯޑިން ޓީމަކުން މަސްދޯންޏަށް އަރާފައިވާކަމުގެ ރިޕޯޓެއް ލިބިފައިވާތީ އެކަން އެމްއެންޑީއެފްއިން ބަލަމުން ގެންދާކަމަށެވެ.

އަދި އެސަރަހައްދަށް އެމްއެންޑީއެފް ކޯސްޓްގާޑުގެ އުޅަނދެއް މިހާރުދަނީ ދަތުރު ކުރަމުން ކަމުގައިވެސް އެމްއެންޑީއެފުން ވަނީ ބުނެފައެވެ.

މިކަން އެންމެ ފުރަތަަމަ ކަމާއި ބެހޭ ފަރާތްތަކުގެ ސަމާލުކަމަށް ގެނެސްފައި ވަނީ ބޮޑުކަންނެލި މަސްވެރިންގެ ޔޫނިއަނުންނެވެ. އެޔޫނިއަންއިންކޮށްފައިވާ ޕޯސްޓްގައި ބުނެފައި ވަނީ، އިންޑިއާ ސިފައިން ރާއްޖޭގެ ޚާއްޞަ އިޤުތިޞާދީ ސަރަހައްދުގެ ތެރެއަށް ޤަވާއިދާއި ޚިލާފަށް ވަދެ އަރާފައި ވަނީ، އދ. މަހިބަދޫ، އަސްރުމާ 3 ނަމަކަށް ކިޔާ މަސްދޯންޏަށް ކަމަށެވެ.