"ޖަސްޓިސް އެންޑް ޑިވެލޮޕްމެންޓް ޕާޓީ" ގެ ނަމުުގައި ސިޔާސީ ޕާޓީއެއް އުފެއްދުމުގެ ހުއްދަ މ.ފެހިވިނަ، މުޙައްމަދު ޢާޠިފަށް ކޮމިޝަނުން މިއަދު ދީފިއެވެ.

އާ ސިޔާސީ ޕާޓީއެއް އުފެއްދުމަށް އިލެކްޝަންސް ކޮމިޝަނަށް ހުށައެޅުއްވި، މުޙައްމަދު އާތިފަކީ، ބަނގުލަދޭޝްގައި މެޑިސިންގ ދާއިރާއިން ކިޔަވަމުން ދަނިކޮށް މަރުވި، ރައުދާ އާތިފްގެ ބައްޕައެވެ. ރައުދާ އާތިފްގެ މަރާއި ގުޅިގެން ހިންގި ތަޙްޤީޤުތައް އާތިފް ޤަބޫލެއް ނުކުރައްވައެވެެ. އަދި އެކަމުގައި އޭނާ ވަނީ ސަރުކާރަށާއި ފުލުހުންގެ އިސްވެރިންނަށްވެސް ތުހުމަތުތައް ކުރައްވާފައެވެ.

ރައުދާ އާތިފްގެ މަރަށް ފަހުގައި ސިޔާސީ ކަންކަމުގައި އާތިފް ގެންދެވީ ވާހަކަފުޅުތައް ދައްކަވަމުންނެވެ. މިގޮތުން އޭނާ ވަނީ 2023ގެ ރިޔާސީ އިންތިޚާބުގައި ވާދަކުރައްވާނެކަންވެސް ސޯޝަލް މީޑިއާ މެދުވެރިކޮށް އިޢުލާނުކުރައްވާފައެވެ.