ސްރީލަންކާ އާއި ދިވެހިރާއްޖެއިން 3 އެއްބަސްވުމެއްގައި ސޮއެކޮށްފިއެވެ.

މި އެއްބަސްވުންތަކުގައި ސޮއިކުރެއްވީ ސްރީލަންކާގެ ފޮރިން މިނިސްޓްރީގައި މިއަދު ބޭއްވި ރާއްޖެ - ސްރީލަންކާ ޖޮއިންޓް ކޮމިޝަންގެ ހަތަރުވަނަ ސެޝަންގައެވެ. އެއްބަސްވުންތަކުގައި ސޮއެކުރުމަށް ބޭއްވި ރަސްމިއްޔާތުގައި، ރާއްޖޭގެ ފޮރިން މިނިސްޓަރު ހިޒް އެކްސެލެންސީ އަބްދުالله ޝާހިދާއި ސްރީލަންކާގެ ފޮރިން މިނިސްޓަރު ހިޒް އެކްސެލެންސީ އެމް.ޔޫ.އެމް ޢަލީ ޞަބްރީ ބައިވެރިވެވަޑައިގެންނެވިއެވެ.

މިއަދު ސޮއެކުރެވުނު އެއްބަސްވުންތަކުގެ ތެރޭގައި ހިމެނެނީ، ސްރީލަންކާގައި ރާއްޖޭގެ ކަލްޗަރަލް ސެންޓަރެއް ބިނާކުރުމުގެ އެއްބަސްވުމަކާއި، ޞިއްޙީ ދާއިރާއިން އެއްބާރުލުން ދިނުމުގެ އެއްބަސްވުމަކާއި، ޘަޤާފީގުޅުންތައް ބަދަހިކުރުމާއި ގުޅޭ އެއްބަސްވުމެކެވެ. 

މި އެއްބަސްވުންތަކުގެ މަޤްޞަދަކީ ރާއްޖެއާއި ސްރީލަންކާއާ ދެޤައުމުގެ ދެމެދުގައި ޘަގާފީ އަދި ޞިއްޙީ ދާއިރާއިން ގުޅުން ބަދަހިކުރުމާއި، ދެޤައުމުގެ ރައްޔިތުންގެ މެދުގައި އިތުރަށް ގުޅުން ބަދަހި ކުރުން ކަމުގައި މިނިސްޓްރީ އޮފް ފޮރިން އެފެއާޒުން ހާމަކުރައްވާފައިވެއެވެ.

ރަސްމީ ދަތުރުފުޅެއްގައި ޚާރިޖީ ވަޒީރު ޢަބުދުﷲ ޝާހިދު މިހާރު ހުންނެވީ، ސްރީލަންކާގައެވެ.