ފުލުހެއްގެ ގައިގައި ޖަހާ މާރާމާރީ ހިންގި މައްސަލައަކާއި މަސްތުވާތަކެތީގެ މައްސަލައެއްގައި މީހަކު ހައްޔަރުކުރުމަށްޓަކައި މީހަކު ހޯދަމުންދާކަމުގައި ކަމުގައި ފުލުހުންގެ އިދާރާއިން ބުނެފިއެވެ،

ފުލުހުންގެ އިދާރާއިން ބުނީ، އެ މައްސަލަތަކާ ގުޅިގެން ހޯދަމުންދަނީ ޏ. ފުވައްމުލައް / ދަޑިމަގު.ބޭރެފީށި، މުޙައްމަދު އަންސާމް އިބްރާހީމް (23އ) ކަމަށެވެ.

ފުލުހުން ބުނީ، މުޙައްމަދު އަންސާމް އިބްރާހީމް ހޯދަމުންދަނީ ހުޅުމާލޭގައި 2023 މެއި 21 ވަނަ ދުވަހުގެ ވަގުތެއްގައި ބަޔަކު ބައިވެރިވެގެން ފުލުހެއްގެ ގައިގައި ޖަހާ މާރާމާރީ ހިންގި މައްސަލައާއި އޭނާގެ މައްޗަށް ތުހުމަތުކުރެވޭ މަސްތުވާތަކެތީގެ މައްސަލައެއްގައި ކޯޓު އަމުރެއްގެ ދަށުން ހައްޔަރުކުރުމަށް ކަމަށެވެ.

އެނގިފައިވާ ގޮތުގައި ފުލުހެއްގެ ގައިގައި ޖަހާ މާރާމާރީ ހިންގި އެ މައްސަލައަކީ، ހުޅުމާލޭގައި ހުސްވި މެއި މަހުގެ 21 ވަނަ ދުވަހުގެ އިރު އޮއްސުނު ވަގުތު ހިންގި މާރާމާރީގެ މައްސަލައެވެ. އެމައްސަަލައިގައި މީގެ ކުރިންވެސް ފުލުހުން ވަނީ ބައެއް މީހުން ކޯޓު އަމުރެއްގެ ދަށުން ހައްޔަރުކޮށްފައެވެ. އެހެން ނަމަވެސް އެމައްސަަލަ އާއި ގުޅޭ އިތުރު ތަފްސީލެއް ފުލުހުންގެ އިދާރާއިން ހާމައެއް ނުކުރެއެވެ. 

މުޙައްމަދު އަންސާމް އިބްރާހީމްއާ ބެހޭ އެއްވެސް މައުލޫމާތެއް ލިބިފައިވާނަމަ ހުޅުމާލެ ޕޮލިސްގެ ނަންބަރު 3035335 އަށް ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅުއްވައި ހިއްސާކުރެއްވުން އެދޭކަމުގައި ފުލުހުންގެ އިދާރާއިން ވަނީ ބުނެފައެވެ.