Advertisement
ހުޅުމާލެ ފޭސް 2 --
ހުޅުމާލެ ފޭސް 2 އާއި ދިމާއިން ބޭރު، މާކަނޑުގެ ތެރެއިން މަރުވެފައި އޮތް މީހަކު ފެނިއްޖެ
ހުޅުމާލެ ފޭސް 2 އާއި ދިމާއިން ބޭރު، މާކަނޑުގެ ތެރޭގައި މަރުވެފައި އޮތް މީހެއްގެ ހަށިގަނޑު އޮޔާދަނިކޮށް ފެނިއްޖެއެވެ.
ފުލުހުންގެ އިދާރާއިން ބުނީ އެމީހާގެ ހަށިގަނޑު ފެނުނީ އިއްޔެ ހަވީރު 6 ޖަހަން އުޅެނިކޮށް ކަމަށާއި، މިހާރު އެމީހާގެ ހަށިގަނޑު ވަނީ، ގަލޮޅު ސަަހަރާގެ މޯޗަރީއަށް ގެންގޮސްފައި ކަމަށެވެ.
މަރުވެފައި އޮއްވައި ފެނުނު އެމީހާ އޮތީ، ގިރުވާނު އެޅި އަތްކުރު ކަޅު ޓީޝާޓަކާއި ކަޅުކުލައިގެ ސޯޓެއް އަދި ކަޅު ކުލައިގެ ބޫޓަކަށް އަރައިގެން ކަމުގައިވެސް ފުލުހުން ވަނީ ބުނެފައެވެ.
އެއީ ކާކުކަން އަދި ދެނެގަނެވިފައި ނުވި ނަމަވެސް އެމީހާއަކީ ބިދޭސީއެއްކަމަށް ބެލެވޭކަމުގައި ފުލުހުންގެ އިދާރާއިން ވަނީ ބުނެފައެވެ. އަދި މަރުވެފައި އޮއްވައި ފެނުނު އެމީހާއާ ގުޅޭ އެއްވެސް މަޢުލޫމާތެއް އެނގޭ މީހަކު ވާނަމަ އެކަން ފުލުހުންނާއި ޙިއްޞާ ކުރެއްވުމަށްވެސް ފުލުހުންގެ އިދާރާއިން ވަނީ އެދިފައެވެ.
