ރައްޔިތުންގެ މަޖިލީހުގެ ތަޅުމުގައި މާރާމާރީ ހިންގައި މެމްބަރު ޝަހީމްއަށް އަނިޔާވެ ހޮސްޕިޓަލުގައިފަރުވާދީފިއެވެ.

ދާދިފަހުން އެމްޑީޕީ ދޫކުރައްވައި ސަރުކާރު ޕާޓީ ޕީއެންސީއަށް ސޮއެކުރެއްވި، ރައްޔިތުންގެ މަޖިލީހުގެ ކަނޑިތީމު ދާއިރާގެ މެމްބަރު ޢަބުދުﷲ ޝަހީމްއަށް އަނިޔާވީ އެމްޑީޕީއަށް ނިސްބަތްވާ ކެނދިކުޅުދޫ ދާއިރާގެ މެމްބަރު އަޙްމަދު އީސާއާއި ދެމެދު ހިނގި ހަމަނުޖެހުމެއްގައެވެ.

މިހާދިސާގައި އޭނާގެ ކަންފަތް ކައިރިން، ހަލާކުވެ ލޭފައިބާތަން ފެންނަ ވީޑިއޯއެއް އާއްމުވެފައި ވާއިރު، އޭޑީކޭ ހޮސްޕިޓަލަށް ގެންގޮސް ޝަހީމްއަށް ވަނީ ފަރުވާ ދީފައެވެ.

މިހާދިސާ އާއި ގުޅިގެން ސަރުކާރު ހިންގާޕާޓީގެ މެމްބަރުން ވަނީ އެމައްސަލަ ބެލުމަށް ގޮވާލާފައެވެ.