ނިމިގެން ދިޔަ 2023 ވަނަ އަހަރު ފެމިލީ ކޯޓުގައި 2425 ކާވެނިކޮށްފައިވާ ކަމަށާއި، އަދި ހަމަ އެއަހަރުގެ ތެރޭގައި 1281 ވަރިކޮށްފައިވާ ކަމަށް ފެމިލީކޯޓުން އާއްމު ކުރި ތަފާސް ހިސާބުތަކުގައި ބުނެފިއެވެ.

ރާއްޖެއަކީ ވަރީގެ ނިސްބަތް ދުނިޔޭގައިވެސް އެންމެ މަތި އެއްޤައުމަށް ވާއިރު، 2023 ވަނަ އަހަރު ކުރެވުނު ކައިވެނިތަކުގެ ނިސްބަތުން ބަލާއިރު، އެއަހަރު ވަނީ %50 ކައިވެނި ރޫޅިފައެވެ.

މީގެ އިތުރުން ރާއްޖެއިން ބޭރުގައިކޮށްފައިވާ، 163 ކާވެނިވެސް މިިދިޔަ އަހަރު ރަޖިސްޓްރީ ކޮށްދެއްވުނު ކަމަށް އެކޯޓުން ވަނީ ބުނެފައެވެ.

ރާއްޖޭގައި ވަރި މަދުކުރުމަށް އާއިލާ އާއި ބެހޭ ޤާނޫނުގެ ދަށުން ކާވެންޏަށް ހޭލުންތެރި ކުރުމުގެ ޕްރޮގްރާމްތައް ފެމެލީ ކޯޓުން ހިންގަމުންގެންދާއިރު، 1664 ފިރިހެނުންނާއި 1612 އަންހެނުން ވަނީ، ކާވެންޏަށް ހޭލުންތެރި ކުރުމުގެ ޕްރޮގްރާމްވެސް ފުރިހަމަކޮށްފައި ކަމުގައި އެކޯޓުން ހާމަކޮށްފައިވެއެވެ. އެއީ ޖުމުލަ 3276 މީހުންނެވެ.