ށ.މިލަންދޫން ފުރައިގެން ހދ.ކުޅުދުއްފުށްޓަށް ދަތުރުކުރަމުންދިޔަ ޑިންގީއެއް، ށ.ފޯކައިދޫ ކައިރިން ބަންޑުން ޖަހާލައި ކަނޑުވި ދެމީހުން ސަލާމަތްކޮށްފިއެވެ.

އެމްއެންޑިއެފުން ވިދާޅުވީ މިހާދިސާގެ ރިޕޯޓް އެމްއެންޑީއެފަށް ލިބިފައި ވަނީ، މިރޭގެ، 22:23 ހާއިރުކަމަށެވެ. އަދި އެވަގުތުން ފެށިގެން، ، އެމްްއެންޑީއެފް ނޮދަން އޭރިއާ ކޮމާންޑް ކޯސްޓްގާޑް ފަސްޓް ސްކޮޑްރަން އިން އެމީހުންނާއި ޑިންގީ ހޯދުމުގެ މަސައްކަތް ފެށިކަމުގައިވެސް އެމްއެންޑީއެފުން ވިދާޅުވިއެވެ.

އެމްއެންޑީއެފުން ވިދާޅުވީ، ޑިންގީ ބަންޑުންވެ ކަނޑުވި ދެމީހުން ސަލާމަތްކޮށް، އެ ސަރަހައްދުން ދަތުރުކުރި ކަންނެލި ދޯންޏަކަށް މިރޭގެ، 00:21 ހާއިރުގައި އެދެމީހުން ނަގާފައިވާ ކަމަށެވެ. އަދި އެދެމީހުންގެ ހާލުވެސް ރަނގަޅުކަމުގައި އެމްއެންޑީއެފުން ވަނީ ވިދާޅުވެފައެވެ.