އޮކްޓޫބަރު މަހުގެ 7 ވަނަ ދުވަހުގެ ފަހުން އިޒްރާއީލް ސިފައިން ޣައްޒާއަށް މެދު ނުކެނޑި ދެމުންގެންދާ ހަމަލާތަކުގައި މަރުވި މީހުންގެ އަދަދު 25000 ވުރެ މަތިވެއްޖެއެވެ.

މިއީ ނިސްބަތުން ބަލާއިރު އިޒްރާއީލުގެ ހަމަާލާތަކުގައި މިހާރު ވަނީ، ޣައްޒާގެ ކޮންމެ 100 މީހަކު އެކަކު ޒަޚަމްކޮށްލާފައެވެ.

ފަލަސްޠީނުގެ ހެލްތު މިނިސްޓްރީން ހާމަކޮށްފައިވާ ގޮތުގައި އޮކްޓޫބަރު 7ގެ ފަހުން އިޒްރާއީލުން ޣައްޒާއަށް ދެމުންދާ ހަމަލާތަކުގައި މިހާތަނަށް، 25 ހާހަށްވުރެ ގިނަ މީހުން ޝަހީދުވި އިރު 62 ހާހަށްވުރެ ގިނަ މީހުން ވަނީ ޒަޚަމްކޮށްލާފައެވެ. އިއްޔެވެސް ޣައްޒާއިން 178 މީހުން ޝަހީދުވި ކަމުގައި ފަލަސްޠީނުގެ ހެލްތު މިނިސްޓްރީން ވަނީ ބުނެފައެވެ.

އިޒްރާއީލްގެ ހަމަލާތަކުގައި ޝަހީދުވި 15000 ވުރެ ގިނަ މީހުންނަކީ ކުޑަކުދިންނެވެ. މީގެ އިތުރުން އިޒްރާއީލުން ދަނީ، މިސްކިތްތަކާއި ޔުނިވަރސިޓީތަކާއި ސްކޫލުތައްވެސް ބޮން އަޅައި އަދި ބޮން ހަރުކޮށް ގޮއްވާލަމުންނެވެ. މުޅި ޣައްޒާ އިޒްރާއީލުން ސުންނާފަތިކުރަމުންދާތާ، 3 މަސްދުވަސްވެގެން ދިޔައިރު ހަނގުރާމައަށް ވާގިވެރިވުމުގައި އިނގިރޭސީންނާއި އެމެރިކާއިން ދެމި އެބަތިއްބެވެ. ހަނގުރާމަ ހުއްޓުވުމަށް އދ ގައި ނަގާ ވޯޓުތައްވެސް ވީޓޯކުރަމުން ދަނީ އެމެރިކާއިންނެވެ.