Advertisement

ދޮށީ އުމުރުގެ ދެމީހަކު ދިވެހި ސަޤާފީ މަސައްކަތްތައް ދައްކާލަނީ -- ނޫން.އެމްވީ ފައިލް ފޮޓޯ

21 Jan 2024
ޚަބަރު
ޢަލީ ސުލައިމާން

ދައުލަތު އެހީތެރިކަން ބޭނުންވާ ފަރާތްތައް ދެނެގަތުމަށް ދިރާސާއެއް ކުރެއްވުމަށް ވަޒީރުންގެ މަޖިލީހުން ނިންމަވައިފި

ނުކުޅެދުންތެރިކަން ހުންނަ މީހުންނާއި ދޮށީ އުމުރުގެ މީހުންގެ ތެރެއިން ދައުލަތުގެ އެހީތެރިކަން އެކި ސަބަބުތަކާއި ހުރެ ނުލިބޭ ފަރާތްތައް ދެނެގަތުމަށް ޚާއްސަ ސާވޭއެއް ކުރުމަށާއި، ނުކުޅެދުންތެރިކަން ހުންނަ މީހުންނާއި ދޮށީ ޢުމުރުގެ މީހުންގެ އައު ދަފްތަރެއް އެކުލަވާލެއްވުމަށް ވަޒީރުންގެ މަޖިލީހުން ނިންމަވައިފިއެވެ.

މިކަން ހާމަކުރެއްވީ، ނޫސްވެރިންގެ ބައްދަލުވުމުގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުﷲ ނާޒިމް އިބްރާހީމްއެވެ.

ނާޒިމް ވިދާޅުވީ، އަލަށް ކުރުމަށް ނިންމާފައިވާ ސާރވޭ އަކީ، ދައުލަތުގެ އެހީތެރިކަން ބޭނުންވާ ފަރާތްތަކުގެ ތެރެއިން، އެކި ސަބަބުތަކާއި ހުރެ އެހީތެރިކަން ނުލިބޭ ފަރާތްތައް ދެނެގަތުން ކަމަށެވެ. މިގޮތުން ދައުލަތުގެ ނިޒާމްގެ ތެރޭގައި ނުކުޅެދުންތެރިކަން ހުންނަ މީހުންނަށާއި ދޮށީ އުމުރުގެ މީހުންނަށް ޚާއްޞަކޮށް އެހީތެރިކަން ފޯރުވައި ދިނުމާއި ގުޅޭ ކަންތަތައްތަކެއް ކުރި ނަމަވެސް އެކަން ނޭނގޭ މީހުންވެސް ތިބިކަން ނާޒިމް ފާހަގަކުރެއްވިއެވެ.

ނާޒިމް ވިދާޅުވީ، އެ ސަރވޭގެ އަލީގައި އެއްކުރެވޭ މަޢުލޫމާތުން، ދައުލަތުގެ ނިޒާމުގެ ތެރެއަށް ނުވަދެ ހަވާސާވެފައި ތިބި ދޮށީ އުމުރުގެ މީހުންނާއި ޚާއްޞަކޮށް އަޅާލަންޖެހޭ ޙާލަތެއްގައި ތިބި ފަރާތްތައް އަދި ނުކުޅެދުންތެރިކަން ހުންނަ މީހުން ދެނެގަނެ އެމީހުންނަށް އެންމެ ފުރަތަމަ މަރުހަލާގައިވެސް ދޭންޖެހޭ އެހީތެރިކަން ފޯރުކޮށް ދިނުމުގެ ނިޒާމެއް، މިނިސްޓްރީ އޮފް ސޯޝަލް އެންޑް ފެމިލީ ޑެވެލޮޕްމަންޓުން ޤާއިމްކުރުމަށް މިއަދުގެ ވަޒީރުންގެ މަޖިލީހުގައި ނިންމާފައިވާ ކަމަށެވެ.

ނުކުޅެދުންތެރިކަން ހުންނަ މީހުންގެ ޤައުމީ ދަފްތަރެއް މިހާރުވެސް އޮވެއެވެ. އެދަފްތަރު ބަލަހައްޓައި ނުކުޅެދުންތެރިކަން ހުންނަ މީހުންނަށް މާލީ ޢިނާޔަތް ދިނުމުގެ މަސައްކަތް ކުރަމުން ދަނީ އެންސްޕާއިންނެވެ.

މީގެ އިތުރުން ދޮށީ އުމުރުގެ މީހުންނާއި، ދާންމަތިވެފައިވާ މީހުންނާިއ، އަދި އެނޫންވެސް ޚާއްޞަ އެހީތެރިކަން ބޭނުންވާ ދޮށީ އުމުރުގެ މީހުންގެ މައުލޫމާތު އެއްކޮށް ބަލަހައްޓަމުން ގެންދިޔައީ، ކުރީގެ ޖެންޑަރ މިނިސްޓްރީ އަދި މިހާރުގެ މިނިސްޓްރީ އޮފް ސޯޝަލް އެންޑް ފެމިލީ ޑެވެލޮޕްމަންޓުންނެވެ. މިގޮތުން އެމިނިސްޓްރީން ޤާއިމްކޮށްފައިވާ އިބަމަ ނިޒާމް އިތުރަށް ތަރައްޤީކުރުމާއި އެކު، މިކަންކަން ބެލެހެއްޓުމަށް އައު ސޮފްޓްވެއާ އެއް ހެދުމަށްވެސް ނިންމާފައިވާ ކަމުގައި ނާޒިމް ވަނީ ވިދާޅުވެފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.