ޏ. ފުވައްމުލަކުގައި ބާރު ސްޕީޑުގައި ދުއްވި ސައިކަލެއް ފާރެއްގައި ޖެހި އުމުރުން 30 އަހަރުގެ ދިވެހި ފިރިހެނަކު ޒަޚަމްވެއްޖެއެވެ.

ފުލުހުންގެ އިދާރާއިން ވިދާޅުވީ، އެ އެކްސިޑެންޓް ފުލުހުނަށް ރިޕޯޓްކޮށްފައި ވަނީ ރޭގެ 22:15 ހާއިރުގައި ކަމަށެވެ. އަދުި އެހާދިސާގައި އަނިޔާވި ފިރިހެންމީހާއަށް ފުވައްމުލަކު ހޮސްޕިޓަލުގައި ފަރުވާ ދިނުމަށްފަހުގައި، އިތުރު ފަރުވާއަށް މިހާރު މާލެ ގެނެސްފައިވާ ކަމަށްވެސް ފުލުހުންގެ އިދާރާއިން ވިދާޅުވެއެވެ. އެހެން ނަމަވެސް އެމީހާއަށް ލިބުނު ޒަޚަމްތަކުގެ ތަފްސީލެއް އަދި ނުލިބެއެވެ.

ފުލުހުންގެ އިދާރާއިން ވިދާޅުވީ، މިހާތަނަަށް ބެލި ބެލުމުން އެ އެކްސިޑެންޓް ހިނގާފައި ވަނީ، ބާރު ސްޕީޑުގައި ދުއްވާފައި ދިޔަ ސައިކަލް ކޮންޓްރޯލް ނުކުރެވިގެން ގޮސް ފާރުގައި ޖެހިގެން ކަމަށެވެ. އަދި ހާދިސާ ހިނގިގޮތް ބަލައި އެ އެކްސިޑެންޓްގެ މައްސަލަ ފުލުހުން ތަޙްޤީޤު ކުރަމުން އަންނަ ކަމުގައިވެސް ފުލުހުންގެ އިދާރާއިން ވިދާޅުވިއެވެ.