288 މީހުން މަރުވެ 900 އަށްވުރެ ގިނަ މީހުން މަރުވި ރޭލު އެކްސިޑެންޓް ހިނގަން ދިމާވީ ސިގްނަލް ސިސްޓަމްގެ މައްސަލައަކުންކަމަށް އިންޑިއާ ސަރުކާރުގެ އޮފިޝަލަކު ވިދާޅުވެއްޖެއެވެ.

އިންޑިއާގެ ރެއިލްވޭ ސިސްޓަމްގައި ސަލާމަތަށް ބޭނުން ކުރާ، ސިގްނަލް ސިސްޓަމަކީ 20 އަހަރުވެފައިވާ ސިސްޓަމެކެވެ. 

އިންޑިއާ ސަރުކާރުގެ އޮފިޝަލަކު މިހެން ވިދާޅުވި ނަމަވެސް، އޮޑިޝާ ސްޓޭޓްގެ ބަލަސޯރު ޑިސްޓްރިކްޓްގައި މިދިޔަ ހުކުރު ދުވަހު ހިނގި މި ނުރައްކާތެރި ރޭލް އެކްސިޑެންޓް ހިނގަން މެދުވެރިވި ސަބަބު މުޅިން ސާފެއް ނުވެއެވެ.

Advertisement

ރޭލްވޭގެ އިސް އޮފިޝަލެއް ކަމަށްވާ ޖަޔާ ވަރްމާ ސިންހާ އާދީއްތަ ދުވަހު ވިދާޅުވީ، ބާރު ސްޕީޑްގެ ކޮރޮމަންޑެލް އެކްސްޕްރެސް އަށް މައި ޓްރެކްގައި ދުވަން ސިގްނަލް ދިން ކަން ތަހުގީގަށް އެނގުނު ކަމަށާއި ނަމަވެސް ފަހުން އެކަން ބަދަލުވެ، އޭގެ ބަދަލުގައި ރޭލު ޖެހިގެން ހުރި ލޫޕް ލައިނަކަށް ވަދެ، ދަގަނޑު ބަރުކޮށްފައި އޮތް މުދާ އުފުލާ ރޭލެއްގައި ޖެހި އެކްސިޑެންޓް ހިނގީކަމަށެވެ. މިއެކްސިޑެންޓް ހިނގީ 3 ރޭލެއް ޖެހިގެންނެވެ. މިގޮތުން ކޮރޮމަންޑަލް އެކްސްޕްރެސްގެ ރޭލު ޖެހުނީ، ޕާކުކޮށްފައި އޮތް މުދާ އުފުލާ ރޭލެއްގައެވެ. އެ ރޭލު އެކްސިޑެންޓްވެ ކޮމްޕާޓްމަންޓްތައް ވެއްޓުނީ، އަނެއް ރޭލް ޓްރެކް މައްޗަށެވެ. އިދިކޮޅުން އައި ޔަޝްވަންތުޕޫރު-ހާވަރާ ސުޕަފާސްޓް އެކްސްޕްރެސްގެ ރޭލު ޖެހުނީ، އެކްސިޑެންޓްވި އަނެއް ރޭލުގެ ކޮމްޕާޓްމަންޓްތަކުގައެވެ.

އެކްސިޑެންޓް ހިނގި އިރު، ޕެސެންޖަރ ރޭލުތަކުގައި 2296 މީހުން ތިއްބެވެ. އެހެން ނަމަވެސް އެކްސިޑެންތް ހިނގި އިރު އެރޭލުތައް ދުއްވަމުން ދިޔައީ ބާރު ސްޕީޑްގައެއް ނޫނެވެ. 

މިހާދިސާ ތަހްޤީޤުކޮށް އިޙްމާލުވާ ފަރާތްތަކާއި މެދު ފިޔަވަޅު އަޅުއްވާނެ ކަމުގައި އިންޑިއާގެ ބޮޑުވަޒީރު ނަރެންދުރަ މޯދީ ވަނީ ވިދާޅުވެފައެވެ.