ދުރާލާ ޓިކެޓް ނަގައިގެން މޯލްޑިވިއަން އިން ޅ. އަތޮޅު މަޑިވަރު އެއަރޕޯޓަށް ކުރާ ދަތުރުތަކުގެ އަގު ހެޔޮވާ ޕްރޮމޯޝަނެއް ފަށައިފިއެވެ.

މޯލްޑިވިއަނުން ބުނީ ޕްރޮމޯޝަނަލް ފެއަރގެ ދަށުން މަޑިވަރާއި މާލެއާ ދެމެދު އަދި މާލެއާއި މަޑިވަރާ ދެމެދު ކުރާ އެއްކޮޅު ދަތުރުގެ އަގަކީ 949 ރުފިޔާކަމަށެވެ. މިފެއަރގައި ދަތުރުކުރެވޭނީ މިމަހުގެ 20 ވަނަ ދުވަހުގެ ފަހުން ދަތުރުކުރާ ފަރާތްތަކަށެވެ.

ޕްރޮމޯޝަނަލް ފެއަރ ލިބޭނީ މޯލްޑިވިއަންގެ މޯބައިލް އެޕް އަދި މޯލްޑިވިއަންގެ ވެބްސައިޓް މެދުވެރިކޮށް އޮންލައިންކޮން ޓިކެޓް ނަގާ ފަރާތަކަށެވެ. މޯލްޑިވިއަން ހިންގާ އައިލެންޑް އޭވިއޭޝަނުން އޮޕަރޭޓްކުރާ މަޑިވަރު އެއާޕޯޓަށް ކުރާ އެއްކޮޅު ދަތުރެއްގެ އަސްލު އަގު އުޅެނީ 1377 ރުފިޔާގައެވެ. މި ޕްރޮމޯޝަންގެ ތެރެއިން އަގު 428 ރުފިޔާ ހެޔޮވެގެންދެއެވެ.