ރައްޔިތުންގެ މަޖިލީހުގެ ރައީސް މުޙައްމަދު އަސްލަމް ރަސްމީ ދަތުރުފުޅެއްގައި މިއަދު ލަންކާއަށް ވަޑައިގެންފިއެވެ.

މަޖިލީހުގެ ރައީސް އަސްލަމަަށް ލަންކާ އެއާޕޯޓުން މަރުޙަބާ ވިދާޅުވީ، ސްރީލަންކާގެ ޤާނޫނު ހަދާ މަޖިލީހުގެ ރައީސް، މަހިންދަ ޔަޕާ އަބޭވަރްދަނާއެވެ.

މަޖިލީހުގެ ރައީސް އަސްލަމް 4 ދުވަހުގެ ރަސްމީ ދަތުރުފުޅެއްގައި ލަންކާއަށް ވަޑައިގެންނެވީވެސް ލަންކާގެ ޤާނޫނު ހަދަ މަޖިލީހުގެ ރައީސްގެ ދައުވަތަކަށެވެ. މިދަތުރުފުޅުގައި ސްރީލަންކާގެ ޤާނޫނު ހަދާ މަޖިލީހަށް ޒިޔާރަތްކުރައްވައި އެމަޖިލީޙުގެ ކަންކަން ހިނގާ ނުހިނގާގޮތް އަސްލަމް ބައްލަވާލައްވާނެއެވެ.

މަޖިލީހުގެ ރައީސް އަސްލަމް ސްރީލަންކާއަށް ކުރައްވާ މިރަސްމީ ދަތުރުފުޅުގައި އެމަނިކުފާނުގެ އަރިހުގައި ރައްޔިތުންގެ މަޖިލީހުގެ ބައެއް މެމްބަރުންނާއި، މަޖިލީހުގެ އަމީން އާއްމު ފާޠިމަތު ނިއުޝާ ބައިވެރިވެވަޑައިގަންނަވައެވެ.