Advertisement

28 May 2023
ކުޅިވަރު
މިފްތާޙް މުޙައްމަދު

ޑޯޓްމަންޑް ރޮއްވާލުމަށްފަހު ބެޔާން ތަށި އުފުލާލައިފި

ސީޒަންގެ ފަހު މެޗާއި ހަމައަށް އައި އިރު ބޮރޫޝިއާ ޑޯޓްމަންޑުގެ ފުރިހަމަ ބާރުގައި އޮތް ޖަރުމަނު ބުންޑަސްލީގާގެ ތަށި، މެޗު ނިމެން މިނެޓަކަށް ވެފައިވަނިކޮށް ކާމިޔާބުކުރި ގޯލާއެކު، ފާއިތުވި ދިހަ އަހަރު ވެސް އެ ލީގު ކާމިޔާބު ކޮށްފައިވާ ބެޔާން މިއުނިކް، ޖެހިޖެހިގެން އެގާރަ ވަނަ ފަހަރަށް ޖަރުމަނު ބުންޑަސްލީގާ ކާމިޔާބު ކޮށްފިއެވެ

ސީޒަންގެ ފަހު މެޗާއި ހަމައަށް އައި އިރު ޑޯޓްމަންޑް އޮތީ ދެ ޕޮއިންޓާއިއެކު ލީގުގެ އެއްވަނައިގައެވެ. ދެ ވަނައިގައި އޮތީ ބެޔާން މިއުނިކްއެވެ. ބެޔާންއަށް ތަށި ލިބުމުގެ ކިރިޔާ ވެސް ފުރުސަތެއް އޮތީ ފަހު މެޗުގައި އެފް. ސީ. ކޮލޯން ބަލިކުރުމަށްފަހު، ޑޯޓްމަންޑާއި މެއިންޒް ބައްދަލު ކުރި މެޗުން ޑޯޓްމަންޑް މޮޅު ނުވެއްޖެނަމައެވެ. އަދި ޑޯޓްމަންޑަށް މެއިންޒް ބަލި ނުކޮށް ތަށި ލިބެން އޮތީ، ބެޔާން މިއުނިކް ކޮލޯން އަތުން މޮޅު ނުވެއްޖެނަމައެވެ. އެހެންނަމަވެސް ކަން ހިނގީ ގިނަ މީހުން ހީކުރި ގޮތާއި ޚިލާފަށެވެ

ޑޯޓްމަންޑް އާއި މެއިންޒް ބައްދަލުކުރި މެޗުގެ 24 މިނެޓު ކުޅެވުނުއިރު ހަނޗޭ-އޮލްސެން އާއި އޮނިސޮވޯ ޖެހި ގޯލުތަކުން މެއިންޒުން ދެ ގޯލުގެ ކުރިއެރުމެއް ހޯދިއެވެ. މިއީ މުޅި ސީޒަނުގައި ވެސް ޑޯޓްމަންޑާއި ދެކޮޅަށް މެޗުގެ ކުރީކޮޅު ދެ ގޯލުގެ ކުރިއެރުމެއް ޓީމަކުން ހޯދި ފުރަތަމަ ފަހަރެވެ. މެއިންޒްއިން ފުރަތަމަ ގޯލް ކާމިޔާބު ކުރިފަހުން ޑޯޓްމަންޑަށް އެއްވަރު ކުރަން ލިބުނު ފުރުސަތު، ސެބެސްޓިއަން ހެލާރ އަށް ޕެނަލްޓީ ކާމިޔާބު ނުކުރެވުމުން ވަނީ ބޭކާރުވެފައެވެ.  

ޑޯޓްމަންޑްގެ ފުރަތަމަ ގޯލު މެޗުގެ 69 ވަނަ މިނެޓުގައި ކާމިޔާބުކުރީ ރަފައެލް ގުއެރޭރޯއެވެ. އަދި ޑޯޓްމަންޑަށް މެޗު ހަމަހަމަ ކުރެވުނީ މެޗުގެ 90 މިނެޓު ހަމަވުމަށްފަހު އިންޖަރީ ވަގުތު ކުޅެމުންދަނިކޮށް ސޫލޭ ކާމިޔާބުކޮށްދިން ގޯލަކުންނެވެ

އަނެއްކޮޅުން ބެޔާންއަށް ތަށި ކާމިޔާބު ކުރެވުނީ ކޮލޯންއާ ކުޅުނު މެޗު ނިމެން އެއް މިނެޓަށް ވެފައި ވަނިކޮށް ބަދަލު ކުޅުން ތެރިއެއްގެ ގޮތުގައި، މެޗުގެ 85 ވަނަ މިނެޓުގައި ކުޅެއް ނިކުތް ޖަމާލް މުސިއާލާ 89 ވަނަ މިނެޓުގައި ކާމިޔާބު ކޮށްދިން ގޯލަކުންނެވެ. މެޗުގައި ފުރަތަމަ ލީޑު ނެގީ ބެޔާން ނަމަވެސް، މެޗު ނިމެން ނުވަ މިނެޓަށްވެފައި ވަނިކޮށް ކޮލޯން އަށް ލިބުނު ޕެނަލްޓީއަކުން ޖުބިސިޗް ނަތީޖާ ހަމަހަމަ ކުރިއެވެ. އަދި މުސިއާލާގެ ގޯލާއެކު ބެޔާން ބުންޑަސްލީގާ މި ކާމިޔާބު ކުރީ ޖެހިޖެހިގެން 11 ވަނަ ފަހަރުއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.