ޤައުމީ އެއާލައިން މޯލްޑިވިއަން ހިންގާކުންފުނި، އައިލެންޑް އޭވިއޭޝަންގެ މެނޭޖިން ޑައިރެކްޓަރުގެ މަޤާމު ހުންނެވި މުޙައްމަދު މިހާދު އަލުން އެމަޤާމަށް ހަމަޖައްސަވައިފިއެވެ.

މިހާދަކީ މީގެ ކުރިންވެސް ސަރުކާރުގެ މުުހިއްމު ބޮޑެތި ކުންފުނިތަކުގެ ބޯޑުތަކުގައި މަސައްކަތް ކުރައްވާފައިވާ ބޭފުޅެކެވެ. މިގޮތުން މީގެ ކުރިންވެސް އައިލެންޑް އޭވިއޭޝަނުގެ ބޯޑު މެމްބަރުކަމާއި، އެމްއޭސީއެލްގެ ބޯޑު މެމްބަރު ކަމުގެ މަޤާމުވެސް އޭނާ ފުރުއްވިއެވެ.

މިހާދު އެންމެ ހުންނެވީ މޯލްޑިިވިއަންގެ މެނޭޖިން ޑައިރެކްޓަރ ކަމުގެ މަޤާމުގައެވެ. އެމަޤާމަށް މިހާދު ހަމަޖެއްސެވީ ކުރީގެ ސަރުކާރުން، 2021 ވަަނަ އަހަރުގައެވެ.