މާލޭގެ އަމީނީ މަގުގައި ތާރުއެޅުމުގެ މަސައްކަތް ނިމިއްޖެ ކަމުގައި ކޮންސްޓްރަކްޝަން މިނިސްޓްރީން ވިދާޅުވެއްޖެއެވެ.

އަމީނީ މަގުގެ އެނެމް ފަހުން ނުހެދިއޮތް، ސެގްމެންޓް 12، އަދި 13ގެ މަސައްކަތްތައް ނިންމާލާފައި ވަނީ ރޭގައެވެ. އެހެން ނަމަވެސް އަދި މަގުގެ އެެބައި އޮތީ އާއްމު ދަތުރުފަތުރަށް ހުޅުވާ ނުލައެވެ.

އަމީނީ މަގުގެ ނުނިމިއޮތް ބައިގެ ޢަމަލީ މަސައްކަތް ރޯޑް ކޯޕަރޭޝަނުން ފަށާފައި ވަނީ، އެމްޑީޕީގެ ސަރުކާރު ބަދަލުވުމުން މަސައްކަތް ހުއްޓާލާފައި އޮތުމަށްފަހުގައި 9 ޑިސެންބަރު 2023 ގައެވެ.

މުޅި އަމީނީ މަގު، 13 ސެގްމެންޓަކަށް ބަހާލައިގެން، ތާރު އަޅައިގެން ޒަމާނީ ފެންވަރަށް ތަރައްޤީކުރުމަށް ސަރުކާރުގެ ބަޖެޓުން ވަނީ 84 މިލިޔަން ރުފިޔާ ޚަރަދުކޮށްފައެވެ.