Advertisement

ފޮޓޯ: އެލައިޑް

04 Jan 2024
ޚަބަރު

އެލައިޑް "ޕްރިމިއަމް ފޯ ގުޑް"ގެ ދަށުން ފައިސާގެ އެހީތެރިކަން 10 ތަނަކަށް

އެލައިޑް އިންޝުއަރެންސްގެ ސީއެސްއާރް "ޕްރިމިއަމް ފޯ ގުޑް"ގެ ދަށުން ފައިސާގެ އެހީތެރިކަން ލިބޭ ފަރާތްތައް އިއުލާންކޮށްފިއެވެ.

އެލައިޑް އޮފީހުގައި މިއަދު ބޭއްވި ރަސްމިއްޔާތެއްގައި ޕްރިއަމް ފޯ ގުޑްގެ ދަށުން ކޮމިއުނިޓީ ފަންޑް ލިބޭ 4 ފަރާތަކާއި އެޑިއުކޭޝަން ފަންޑް ލިބޭ 6 ސްކޫލެއް އިއުލާންކޮށް، ވަނީ ފައިސާގެ އެހީތެރިކަން ހަވާލުކޮށްފައެވެ.

އަތޮޅު ތެރޭގައި ހަރަކާތްތެރިވާ ޖަމިއްޔާތަކަށް ހާއްސަކޮށްގެން ދޭ ކޮމިއުނިޓީ ފަންޑް ދެނީ ސިއްހީ ދުޅަހެޔޮކަން، އިޖުތިމާއީ ހިދުމަތް، ތިމާވެށި ރައްކާތެރިކުރުން، އަންހެނުންނާއި ކުޑަކުދިންގެ ހައްގުތައް، މިންތީގެ ހަމަހަމަކަމާއި ތާރީހުގެ ރޮނގުން ހެޔޮ ބަދަލުތަކެއް ގެނައުމަށް ހިންގާ ޕްރޮޖެކްޓްތަކަށް ކުރިމަތިލާ ޖަމިއްޔާތަކުގެ ތެރެއިން އެންމެ ރަނގަޅު ހިޔާލު ހުށަހަޅާ ހަތަރު ޖަމިއްޔާއަކަށެވެ.

އެގޮތުން ކޮމިއުނިޓީ ފަންޑަށް ހޮވޭ ކޮންމެ ޖަމިއްޔާއަކަށް 50،000 ރުފިޔާގެ ފައިސާގެ އެހީތެރިކަންދެއެވެ.

ކޮމިއުނިޓީ ފަންޑް ލިބޭ ޖަމިއްޔާތައް

- ނައިފަރު ޖުވެނައިލް

- މިލަންދޫ ސްޕޯޓްސް ކްލަބް

- ކެޔޮދޫ އިސްދަރިވަރުންގެ ޖަމިއްޔާ

- ބްލޫ ގިލްޑް ފައުންޑޭޝަން

އެލައިޑުން ބުނީ، ތައުލީމީ ނިޒާމު އިތުރަށް ހަރުދަނާ ކުރުމަށް އެ ކުންފުނިން ދޭ އެޑިއުކޭޝަން ފަންޑަށް މި އަހަރު ކުރިމަތިލީ 6 ސްކޫލަކުން ކަމަށާއި އެ ސްކޫލްތަކުން ހުށަހެޅި ޕްރޮޕޯޒަލްތަކުގައި ހުރީ މުހިންމު ކަންތައްތަކެއް ކަމަށް ފެންނާތީ އެ ހުރިހާ ސްކޫލަކަށްވެސް ފަންޑު ދިނުމަށް ނިންމާފައިވާ ކަމަށެވެ. އެގޮތުން އެޑިއުކޭޝަން ފަންޑް ދޭން ނިންމި ކޮންމެ ސްކޫލަކަށް 25،000 ރުފިޔާގެ އެހީއެއް ދޭނެއެވެ.

އެޑިއުކޭޝަން ފަންޑު ލިބޭ ސްކޫލްތައް

- ފޯކައިދޫ ސްކޫލު

- މާމެންދޫ ސްކޫލު

- ހިރިލަންދޫ ސްކޫލު

- ބ. އަތޮޅު އެޑިއުކޭޝަން ސެންޓާ

- މުހައްމަދު ޖަމާލުއްދީން ސްކޫލު

- މަދަރުސަތުލް އިފްތިތާހު

އެ ސްކޫލުތަކުން ހިންގަން ހުށަހެޅި ޕްރޮޖެކްޓުތަކުގެ ތެރޭގައި ލައިބްރަރީގެ ހިދުމަތް އިތުރަށް ފުޅާކުރުމަށް ފޮތް ހޯދުމާއި ސްޓަޑީ ބެންޗު ހެދުމާއި ބެލެނިވެރިންނަށް އަމާޒުކޮށްގެން ހިންގާ ލިޓްރަސީ ޕްރޮގްރާމުތައް ހިމެނެއެވެ. މިއީ އެލައިޑުން "ޕްރިމިއަމް ފޯ ގުޑް" ފަންޑު ހިންގާ ދެވަނަ އަހަރެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.