ދިވެހި އަސްކަރިއްޔާގެ އެންލިސްޓެޑް ސިފައިންގެ އެންމެ އިސް މަޤާމުކަމުގައިވާ "ސާޖަންޓް މޭޖަރ އޮފް އެމްއެންޑީއެފް"ގެ މަޤާމު އަދާކުރައްވާފައިވާ ކޮމާންޑް ސާޖަންޓް މޭޖަރ އަޙްމަދު ޢަބްދުﷲ، ސިފައިންގެ ޚިދުމަތުން ޝަރަފުވެރިކަމާއެކު ރިޓަޔަރ ކުރައްވައިފިއެވެ.

ކޮމާންޑް ސާޖަންޓް މޭޖަރ އަޙްމަދު ޢަބްދުﷲ، މަޤާމުން ރިޓަޔަރ ކުރެއްވުމަށް ބޭއްވި ޙާއްޞަ ރަސްމިއްޔާތު އޮތީ އާދީއްތަ ދުވަހުގެ ރޭގައެވެ. މިރަސްމިއްޔާތުގައި ޗީފް އޮފް ޑިފެންސްފޯސް އާއި ސިފައިންގެ ޚިދުމަތުގައި ތިއްބެވި އިސް އޮފިސަރުން ބައިވެރިވެވަޑައިގެންނެވިއެވެ.

އެމްއެންޑީއެފްއިން ވިދާޅުވީ، ކޮމާންޑް ސާޖަންޓް މޭޖަރ އަޙްމަދު ޢަބްދުﷲގެ 31 އަހަރު ސިފައިންގެ ޚިދުމަތުގައި ދެމިހުންނެވި އިރު، އެންމެ ފަހުން ހުންނެވީ އިސްލާމިކް މިލިޓަރީ ކައުންޓަރ ޓެރަރިޒަމް ކޯލިޝަން ސެންޓަރުގައި ދިވެހި އަސްކަރިއްޔާ ތަމްސީލްކުރައްވާ މެންބަރެއްގެ ގޮތުގައި ކަމަށެވެ.