Advertisement
ކުރީގެ ޓްރާންސްޕޯޓް މިނިސްޓަރ އައިޝަތު ނަޙްލާ --
ކުރީގެ ޓްރާންސްޕޯޓް މިނިސްޓަރ އައިޝަތު ނަހުލާވެސް މަޖިލީހަށް ކުރިމަތި ލައްވަނީ
ކުރީގެ ޓްރާންސްޕޯޓް މިނިސްޓަރ އައިޝަތު ނަހުލާ، ރައްޔިތުންގެ މަޖިލީހުގެ އިންތިޚާބުގައި ވާދަކުރައްވާނެކަން އެކަމަނާ އިޢުލާނުކުރައްވައިފިއެވެ.
ނަހުލާ މަޖިލީހަށް ވާދަކުރައްވާކަން އިއްޔެ ރަސްމީކޮށް އިޢުލާނުކުރައްވާފައި ވާއިރު، އެކަމަނާ ވާދަކުރައްވަނީ، ރައްޔިތުންގެ މަޖިލީހުގެ ހުޅުމާލެ ދެކުނު ދާއިރާއަށެވެ. އެކަމަނާ ރައްޔިތުންގެ މަޖިލީހަށް ކުރިމަތިލައްވަނީ ޖުމްހޫރީ ޕާޓީގެ ޓިކެޓްގައެވެ.
ޖުމްހޫރީ ޕާޓީގެ ލީޑަރު ޤާސިމް އިބްރާހީމްގެ އަނބިކަނބަލުން އައިޝަތު ނަހުލާ، ސިޔާސީ މައިދާނުން ފެންނަން ފެށީ، ރައީސް ޔާމީނުގެ ސަރުކާރުގައި ޖުމްހޫރީ ޕާޓީގެ ލީޑަރު ޤާސިމް އިބްރާހީމާއި، އެމަނިކުފާނުގެ ދޮށީ ދަރިކަލުން އިބްރާހީމް ސިޔާދު ޤާސިމް ނުހައްޤުން ޖަލަށްލައި އަނިޔާދޭން ފެށުމާއި ގުޅިގެންނެވެ.
މިގޮތުން 2018 ވަނަ އަހަރުގެ ރިޔާސީ އިންތިޚާބުގެ ކެމްޕޭނުގައި އިބްރާހީމް މުޙައްމަދު ޞާލިޙަށް ކެމްޕޭން ކުރެއްވުމުގައި އަމަލީ ގޮތުން މަސައްކަތް ކުރެއްވި އިރު، ރައީސް ޞާލިޙްގެ ސަރުރުގެ ޓްރާންސްޕޯޓް މިނިސްޓަރުގެ މަޤާމު ފުރުއްވީވެސް އައިޝަތު ނަހުލާއެވެ.
