ކޮމަންވެލްތު ޤައުމުތަކުގެ ޤާނޫނު ހަދާ މަޖިލިސްތަކުގެ ރައީސުންނާއި އޮފިސަރުންގެ ބައްދަލުވުމުގައި ބައިވެރިވެވަޑައިގެންނެވުމަށް ކުރައްވާ ރަސްމީ ދަތުރުފުޅެއްގައި، ރައްޔިތުންގެ މަޖިލީހުގެ ރައީސް މުޙައްމަދު އަސްލަމް މިއަދު، ފުރާވަޑައިގެންފިއެވެ.

މަޖިލީހުގެ ރައީސް އަސްލަމް ފުރާވަޑައިގެންނެވީ މިއަދު ހެނދުނުގައެވެ.

ކޮމަންވެލްތްގައި ހިމެނިވަޑައިގަންނަވާ ޤާނޫނު ހަދާ މަޖިލިސްތަކުގެ ރައީސުންނާއި އޮފިސަރުންގެ 27 ވަނަ ކޮންފަރެންސް ބޭއްވުމަށް ހަމަޖެހިފައި ވަނީ، މި ޖެނުއަރީ މަހުގެ 3އިން 6އަށް މެދުތެރޭ އެފްރިކާގެ ޤައުމެއްކަމަށްވާ، ޔޫގެންޑާގެ ވެރިރަށް ކަމްޕަލާގައެވެ.   

ކޮމަންވެލްތު ޤައުމުތަކުގެ ޤާނޫނު ހަދާ މަޖިލިސްތަކުގެ ރައީސުންނާއި އޮފިސަރުންގެ ބައްދަލުވުން ބާއްވަން ފަށާފައި ވަނީ 1969 ވަނަ އަހަރުން ފެށިގެންނެވެ. މިއަހަރުގެ ކޮންފަރެންސްއަކީ، މިގޮތުން ބޭއްވޭ 27 ވަނަ ކޮންފަރެންސެވެ.