ރައީސުލްޖުމްހޫރިއްޔާގެ އޮފީހުގެ ޗީފް ސްޕޯކްސްޕަރސަން މުޙައްމަދު ޝަހީބު މަޤާމުން ވަކިކޮށްފިއެވެ.

އޭނާ މަޤާމުން ވަކިރެއްވި ސަބަބެއް ރައީސުލްޖުމްހޫރިއްޔާގެ އޮފީހުން ހާމަކުރައްވާފައެއް ނުވެއެވެ. އެހެން ނަމަވެސް މިހާރު ރައީސުލްޖުމްހޫރިއްޔާ ވަނީ، ޝަހީބު މިނިސްޓްރީ އޮފް ފޮރިން އެފެއާޒްގެ ސްޓޭޓް މިނިސްޓަރަކަށް ހަމަޖައްސަވާފައެވެ.

ރައީސުލްޖުމްހޫރިއްޔާގެ އޮފީހުގެ ވެބްސައިޓްގައިވެސް މިހާރު ވަނީ އެބަދަލު ޝާއިއުކޮށްފައެވެ.

ޝަހީބަކީ މީޑިއާގެ ދާއިރާއެއްގައި ގިނަ ދުވަސްތަކެއް ހޭދަކުރައްވާފައިވާ ބޭފުޅެކެެވެ. އެހެން ނަމަވެސް ޝަހީބު ތަރުޖަމާނެއްގެ ގޮތުގައި ހަމަޖެއްސެވުމާއި، އަދި ބައެއް ނޫސްކޮންފަރެންސްގައި ޝަހީބު ނޫސްވެރިންނާއި މެދު އަމަލުކުރައްވާފައިވާ ގޮތުން ބައެއް ފަރާތްތަކުން ޝަހީބަށް ވަރަށް ބޮޑަށް ފާޑުކިޔާފައިވެއެވެ.