Advertisement
ސިފައިން ޕަންޕުޖަހައިގެން ފެން ހިއްކުމުގެ މަސައްކަތުގައި --
ޖަންކްޝަންތަކުން ނަޖިސް އަރައި މާލޭ އީދު މިސްކިތް ބަންދުކޮށްފި
މާލެއަށް ވެހެމުންދާ ބޯވާރޭގައި މާލޭގެ ބައެއް ސަރަހައްދުތަކުގައި ވަރަށް ބޮޑަށް ފެންބޮޑުވެފައި ވާއިރު، މާލޭ އީދު މިސްކިތުގެ ހަރިންމަ ތެރޭގައި ހުރު ޖަންކްޝަނަކުން ނަޖިސް އަރައި އެމިސްކިތް ވަގުތީ ގޮތުން ބަންދުކޮށްފިއެވެ.
ސޯޝަލްމީޑިއާގައި ދައުރުވަމުން އަންނަ ވީޑިއޯއަކުން ފެންނަ ގޮތުގައި އެމިސްކިތުގެ ވުޟޫކުރާ ބައިގެ ކައިރިއަށް ވަރަށް ބޮޑަށް ވަނީ ނަޖިސްތައް ފެތުރިފައެވެ.
އީދު މިސްކިތް ބަންދުކޮށްފައިވާކަމަށް މައުލޫމާތު ލިބިފައި ވިޔަސް އެކަމާއި ގުޅޭގޮތުން މިނިސްޓްރީ އޮފް އިސްލާމިކް އެފެއާޒްގެ ބަހެއް އަދި ނުލިބެއެވެ.
މާލެއަށް ރެއިން ފެށިގެން ވެހެމުންދާ ބޯވާރޭގައި މާލޭގައި، ޚާއްސަކޮށް މާފަންނުކޮޅުގައި ވަނީ ވަރަށް ބޮޑަށް ފެންބޮޑުވެފައެވެ.
އެމްއެންޑީއެފުން ވިދާޅުވީ، މާލޭގެ މަގުތަކުން ފެންހިއްކުމަށް ސިފައިން ޕަންޕުޖައްސައިގެން މަސައްކަތް ކުރަމުންދާ ކަމަށެވެ. މާލެ ސަރަހައްދަށް މޫސުމް އިތުރަށް ގޯސްވާނެ ކަމަށް ލަފާކޮށް، މޫސުމާއި ބެހޭ ޤައުމީ އިދާރާއިން މިހާރު އޮތީ ހަވީރު، 5:15 އާއި ހަމައަށް މާލެ އަތޮޅަށާއި އަރިއަތޮޅަށް އޮރެންޖް އެލާޓްވެސް ނެރެފައެވެ.
