މިއަހަރަށް ރައްޔިތުންގެ މަޖިލިސް ހުޅުއްވައި ދެއްވައި، ކުރީގެ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ފަތުރުވެރިކަމުގެ ދާއިރާއިން އިޢުލާނުކުރެއްވި އަމާޒަށް މިއަދު ވާސިލްވެވިއްޖެއެވެ.

މިއަހަރުގެ ފެބުރުއަރީމަހުގެ 6 ވަނަ ދުވަހު ރައްޔިތުންގެ މަޖިލީހުގައި އިއްވެވި ރިޔާސީ ބަޔާނުގައި ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވީ، ފަތުރުވެރިކަމުގެ ދާއިރާއިން އެމަނިކުފާނުގެ ސަރުކާރުން މިއަހަރަށް ކަނޑައަޅާ އަމާޒަކީ، 1.8 މިލިއަން ފަތުރުވެރިން ރާއްޖެއަށް ގެނައުން ކަމަށެވެ. 

އެއަމާޒަށް މިއަދު ވާސިލްވެވިއްޖެކަން، ޓުއަރިޒަމް މިނިސްޓްރީންނާއި، އެމްއެމްޕީއާރްސީން އަދި އެމްއޭސީއެލްއިން މިއަދު ވަނީ އިއުލާނުކޮށްފައެވެ.

1.8 މިލިއަން ވަނަ ފަތުރުވެރިޔާއަށް މިއަދު ވެލާނާ އިންޓަރނޭޝަނަލް އެއާޕޯޓުން ވަނީ ވަރަށް ހޫނު މަރުހަބާއެއް ކިޔާފައެވެ.

ރާއްޖެއަށް މިއަދު އައި 1.8 މިލިއަން ފަތުރުވެރިޔާއަކީ ހޮލެންޑް މީހެކެވެ.