ދައުލަތް ހިންގުމުގެ އެންމެމަތީ ވެރިންނާއި، ރައްޔިތުންގެ މަޖިލީހުގެ މެމްބަރުންގެ މުސާރަތައް ބޮޑުކުރުމަށް ރައްޔިތުންގެ މާލިޔައްތު ކޮމިޓީން ފާސްކޮށްފިއެވެ.

ރައްޔިތުން މާލިއްޔަތު ކޮމިޓީ މުސާރަ ބޮޑުކޮށްފައި ވަނީ، ރައީސުލްޖުމްހޫރިއްޔާ އާއި އެމަނިކުފާނުގެ ނައިބާއި، ވަޒީރުންގެ މަޖިލީހުގެ މެމްބަރުންނާއި، ރައްޔިތުންގެ މަޖިލީހުގެ މެމްބަރުންނާއި، ފަނޑިޔާރުންނާއި، މިނިވަން މުއައްސަސާތަކުގެ މެމްބަރުންނަށާއި ކައުންސިލަރުންށެވެ.

ދިވެހި ޖުމްހޫރިއްޔާގެ ޤާނޫނު އަސާސީގައި ވާގޮތުން، އިންތިޚާބީ މަޤާމުތަކާއި މުސްތަޤިއްލު ކޮމިޝަންތަކާއި އިދާރާތަކުގެ ވެރިންނާއި މަަޖިލީހުގ މެމްބަރުންނަށް މުސާރަ ކަނޑައަޅަން ޖެހޭނީ ރައްޔިތުންގެ މަޖިލީހުންނެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީން އިއްޔެ ފާސްކޮށްކޮށްފައި ވަނީ، ރައީސުލްޖުމްހޫރިއްޔާ އާއި އެމަނިކުފާނުގެ ނައިބާއި، ވަޒީރުންގެ މަޖިލީހުގެ މެމްބަރުންނާއި، މަޖިލީހުގެ ރައީސާއި ނައިބު ރައީސާއި، އުއްތަމަ ފަނޑިޔާރާއި، އެމްއެމްއޭގެ ގަވަރުނަރާއި، އޮޑިޓަރ ޖެނެރަލް އާއި ޕްރޮސެކިއުޓަރ ޖެނެރަލްގެ މުސާރަ ބޮޑު ކުރުމަށެެވެ.

މީގެ އިތުރުން މޭޔަރުންނާއި، ޑެޕިއުޓީ މޭޔަރުންނާއި ކައުންސިލަރުންނަށްވެސް މުސާރަތައް ބޮޑު ކުރުމަށްވެސް މާލިއްޔަތު ކޮމިޓީން ވަނީ ފާސްކޮށްފައެވެ. މާލިއްޔަތު ކޮމިޓީން މިގޮތަށް ފާސްކޮށްފައިވީ ނަމަވެސް މުސާރަތަކަށް މިބަދަލު އަންނަނާނީ ރައްޔިތުންގެ މަޖިލީހުގެ ތަަޅުމުން ފާސްކުރުމުންނެވެ.