ވަޒީރުންނަށް ރުހުން ދިނުމާއި މަޖިލީހުގެ ޤަވާއިދަށް ގެންނަ އިސްލާޙްތައް އެޖެންޑާކުރި މަޖިލީހުގެ ޖަލްސާ ފަށައިފިއެވެ.

ހެނދުނު 9:00ގައި މަޖިލިސް ކުރާ ގޭގައި ފެށި މިޖަލްސާއަކީ، ރައްޔިތުންގެ މަޖިލީހުގެ މިދައުރުގެ އެންމެ ފަހު ޖަލްސާއެވެ.

މިޖަލްސާއަށް، ހަތްކަމެއް ވަނީ އެޖެންޑާކޮށްފައެވެ. އޭގެ ތެރޭގައި ވަޒީރުންނަށް ރުހުން ދިނުމާއި، ރައްޔިތުންގެ މަޖިލީހުގެ ޤަވާއިދަށް ގެންނަ ހުށައަޅާފައިވާ އިސްލާޙްތައް ފާސްކުރުމާއި، މިނިމަމްވޭޖާއި ގުޅޭ ހުށައަޅާފައިވާ ޤަރާރާއި، މަސައްކަތުގެ މާހައުލުގެ ސަލާމަތާއި ޞިއްޙީ ރައްކާތެރިކަމުގެ ބިލު، ހިމެނެއެވެ.

މިއަދުގެ ޖަލްސާފެށި އިރު ހާޟިރުވެވަޑައިގެން ތިއްބެވީ، 30 މެމްބަރުންނެވެ. ސަލާމްގައި 1 މެމްބަރަކު ހުންނެވިއިރު ރަސްމީ ދަތުރުފުޅުގައި 1 މެމްބަރަކު ހުންނެވި ކަމުގައި މަޖިލީހުގެ ރައީސް އިޢުލާނުކުރެއްވިއެވެ.