ޕްރިޒަންސް އޮފިސަރުންނަށް ހިންގި އަސާސީ ތަމްރީންކޯސް ފުރިހަމަކުރިފަރާތްތަކުގެ ދަސްވެނިވުމުގެ ހަފްލާ، މާފުށީ ޖަލުގައި ބާއްވައިފިއެވެ.

މޯލްޑިވްސް ކަރެކްޝަނަލް ސަރވިސް (އެމް.ސީ.އެސް)އިން ހާމަކޮށްފައިވާ ގޮތުގައި، "ސެޓްފިކެޓް 3 އިން ކަސްޓޯޑިއަލް މެނޭޖްމަންޓް އެންޑް ސެކިއުރިޓީ" ޕްރޮގްރާމް ގެ 9 ވަނަ ބުރުގައި، 53 ދަރިވަރުން ބައިވެރިވެ 51 ދަރުވަރުން ވަނީ ކޯސް ފުރުހަމަކޮށްފައެވެ. މިކޯސް ކުރިޔަށް ގެންގޮސްފައި ވަނީ ޖެނުއަރީ 31 އިން ފެށިގެން 3 މަސްދުވަހުގެ މުައްދަތަށެވެ.

މިޖަލްސާގައި، އަސާސީ ތަމްރީންކޯސް ފުރިހަމަކޮށް ދަސްވެނިވި ފަރާތްތަކަށް ހުވާލައިދެއްވާފައި ވަނީ ޣާޒީ އަލްއުސްތާޛު މޫސާ ނަސީމްއެވެ.

މީގެ އިތުރުން ކޯހުން އެންމެ ރަނގަޅު ވަނަތައް ހާޞިލްކުރި ފަރާތްތަކަށް ވަނީ އިނާމާއި ހަނދާނީ ލިޔުން އަދި ޓްރޮފީ ހަވާލުކޮށްފައެވެ. މިގޮތުން އެންމެ ދުޅަ ހެޔޮ އަންހެން އަދި ފިރިހެން އޮފިސަރުންނަށް ހޮވިފައި ވަނީ، ޕްރިޒަން ޕްރައިވެޓް އަމާނީ އަޙްމަދު އާއި ޕްރިޒަން ޕްރައިވެޓް މުރުތަޟާ އަދްނާންއެވެ. އަދި "ބެސްޓް އޯލް ރައުންޑް" ގެ ލަޤަބް ޙާޞިލްކޮށްފައި ވަނީ ޕްރިޒަން ޕްރައިވެޓް އާދަމް މުޟްހިރްއެވެ.