ބަންގަލަދޭޝްއިން މީހުންގެނެސް 2019 ވަނަ އަހަރުގެ ކުރިން، ބަޔަކު ކުރަމުން ދިޔަ އިންސާނީ ވަގުފާރި ވިޔަފާރި އަކީ, އަހަރަކު އެތައް ބިލިއަން ރުފިޔާއެއްގެ މުޑުދާރު ވިޔަފާރިއެއްކަމަށާއި، އަލުން ޤާނޫނާ ހިލާފަށް އެކަން ހުޅުވާލުމަކީ ޤައުމީ ސަލާމަތަށް އަދި ދިވެހި އިޤުތިސޯދާއި އިޖުތިމާއީ ފޭރާމަށް ހުރިނުރައްކަލެއްކަމުގައި ކުރީގެ އިކޮނޮމިކް މިނިސްޓަރ ފައްޔާޒް އިސްމާއީލް ވިދާޅުވެއްޖެއެވެ.

ފައްޔާޒު މިހެން ވިދާޅުވީ، ރާއްޖެއަށް އަންސްކިލްޑް ބިދޭސީ ލޭބަރުން ގެނެވޭނެ ހަމައެކަނި ޤައުމަކީ، ބަނގުލަދޭޝްކަމުގައި ސަރުކާރުން ކަނޑައަޅައި އެޤައުމުން ރާއްޖެއަށް ބިދޭސ ީ ލޭބަރުން ގެނައުމަށް ސަރުކާރުން ހުޅުވާލުމާއި ގުޅިގެންނެވެ.

ކުރީގެ އިކޮނޮމިކް މިނިސްޓަރ އަދި އެމްޑީޕީގެ ޗެއަރ ޕާސަން ފައްޔާޒް އިސްމާޢީލް

މީގެ އިތުރުން، ކުރީގެ މިނިސްޓަރ އަދި އެމްޑީޕީގެ ޗެއާޕާސަން ފައްޔާޒް އިސްމާއީލް ވިދާޅުވީ، ކޯޓާ ދޫކުރުން އަދި އިމިގްރޭޝަން ހޯމް މިނިސްޓްރީ ދަށުގަ އޮވެ، ކޯޓާ ފްރޯޑް ތުހުމަތުގަ ފުލުހުންގެ ޚިދުމަތުގައި ކޭސް ފައިލް ކުރެވިފައިވާ ފަރާތަކާ ކޯޓާ ކަންކަން ހަވާލުކޮށް ޤާނޫނުގަ ކަނޑައެޅިފަވާ އަދަދު ހަމަވެފަވާ ޤައުމަކުން ޤާނޫނާހިލާފަށް ހަމައެކަނި މީހުން އެތެރެކުރަން ނިންމި ނިންމުމަކީ އެކަމާއި މެދު ސުވާލު އުފެދޭ ކަމެއް ކަމަށެވެ.

ކުރީގެ އިކޮނޮމިކް މިނިސްޓަރ އަދި އެމްޑީޕީގެ ޗެއަރ ޕާސަން ފައްޔާޒް އިސްމާޢީލް

ވަޒީފާއާ ބެހޭ ޤާނޫނުގެ 61 ވަނަ މާއްދާގެ 1 ވަނަ ނަމްބަރުގެ (ހ)ގައި ބަޔާންކޮށްފައި ވަނީ، ދިވެހިރާއްޖޭގައި ބިދޭސީން ވަޒީފާއަދާކުރުމަށްޓަކައި އެއް ޤައުމަކުން އެންމެ ގިނައިން ދިވެހިރާއްޖެއަށް ގެނެވޭނީ އެއްލައްކަ މީހުންކަމަށެވެ. ރާއްޖޭގައި މިހާރުވެސް އެއަދަދަށްވުރެ ގިނަ ބަނގުލަދޭޝް މީހުން ތިބިއިރު، ރާއްޖޭގައި ޤަވާއިދާއި ޚިިލާފަށް އުޅޭ ބިދޭސީންގެ ތެރޭގައި އެންމެ ގިނައީވެސް ބަނގުލަދޭޝް މީހުންނެވެ.

ބަނގުލަދޭޝް އިން ރާއްޖެއަށް ލޭބަރުން އެތެރެކުރުން ކުރީ ސަރުކާރުން އޮތީ 2019 ވަނަ އަހަރުންފެށިގެން ހުއްޓާލާފައެވެ.