މަތީ އަރުތަވެރީންގެ އިނާމު2021-2022 ޖަލްސާގައި ބައިވެރިވެވަދައިގެންނެވުމަށް މާލެ ވަޑައިގެންނެވި ސްކޫލްތަކުގެ އިސްވެރީންނާ، ރައީސުލްޖުމްހޫރިއްޔާގެ ނައިބު ފައިޞަލް ނަސީމް ބައްދަލުކުރައްވައިފިއެވެ.

މިބައްދަލު ކުރެއްވުން އޮތީ ރޭ މާލޭގައެވެ.

މިނިސްޓްރީ އޮފް އެޑިޔުކޭޝަނުން ހާމަކުރައްވާފައިވާ ގޮތުގައި، މި ބައްދަލުކުރެއްވުމުގައި ނައިބު ރައީސް ވަނީ ދަރިވަރުންގެ ނަތީޖާ ރަނގަޅުކުރުމަށް ސްކޫލްތަކުގެ އިސްވެރީން ކުރައްވާ މަސައްކަތް ފާހަގަކުރައްވައި، ޝުކުރު އަދާކުރައްވާފައެެވެ.

މި އަހަރު 847 ދަރިވަރުން ’މަތީ އަރުތަވެރީންގެ އިނާމު‘ ޙާޞިލުކޮށްފައި ވެއެވެ. އަދި 16 ދަރިވަރަކު ދުނިޔޭގެ އެންމެ މޮޅު ނަތީޖާ ހޯދި ދަރިވަރުންގެ ލިސްޓުން ޖާގަ ހޯދިއިރު، 9 ދަރިވަރަކު ވަނީ އެކި މާއްދާތަކުން މުޅި ދުނިޔެއިން ފަޚުރުވެރި 1 ވަނަ ހޯދާފައެވެ.